Forbairt na meán

Déanann Coimisiún na Meán réimse gníomhaíochtaí chun tacú le hearnáil na meán in Éirinn agus chun cabhrú le hábhar a fhorbairt do lucht féachana na hÉireann a léiríonn agus a mhúnlaíonn sochaí na hÉireann. Tacaímid le hábhar ardchaighdeáin, inrochtana agus ionchuimsitheach a fhorbairt. Dírímid ar thírdhreach iomlán na meán. Áirítear leis seo an t-ábhar a léirítear agus a úsáidtear, na daoine a léiríonn agus a úsáideann é, agus na cainéil ina bhfuil ábhar ar fáil. Tá na gnéithe seo go léir a bhaineann le tírdhreach na meán éagsúil agus ag athrú go tapa.

I measc na ngníomhaíochtaí tá scéimeanna maoinithe a riar chun tacú le hábhar craoltóireachta atá luachmhar ó thaobh cultúir de a léiriú agus a chaomhnú, agus chun tacú le hiriseoireacht phoiblí inrochtana ar ardchaighdeán a chruthú. Tacaímid le forbairt earnáil na meán agus gníomhaíochtaí gaolmhara trí urraíocht agus trí chláir foghlama agus forbartha a chur i bhfeidhm. Oibrímid le craoltóirí chun comhionannas inscne, cothromas, éagsúlacht agus cuimsiú a chur chun cinn go leanúnach in earnáil na meán in Éirinn. Cinnteoimid go mbeidh forbairt inbhuanaithe leabaithe inár gcur chuige maidir le rialachas, ceannaireacht agus oibríochtaí, rud a fhágfaidh go ndíreofar go bunúsach ar chleachtais inbhuanaithe de chuid na heagraíochta agus mar chuid den saol laethúil.