Inbhuanaitheacht
Cuirfimid inbhuanaitheacht i gcroílár an chaoi a ndéanaimid ár spás fisiciúil a bhainistiú agus a áitiú, an chaoi a n-úsáidimid ár n-acmhainní tearca, agus an chaoi a dtacaímid le cleachtais inbhuanaithe a fhorbairt ag na daoine a rialaímid.
Táimid ar an eolas faoin bhfreagracht atá orainn sa chomhrac in aghaidh an athraithe aeráide agus creidimid go bhfuil sé tábhachtach tionchar léiriú na meán ar an gcomhshaol a laghdú.
Trí cheannaireacht a thabhairt le dea-shampla, déanfaimid an méid seo a leanas:
- oibriú le páirtithe leasmhara chun cur le laghdú ar astaíochtaí carbóin foriomlána na hÉireann, de réir Phlean an Rialtais um Ghníomhú ar son na hAeráide;
- cleachtais inbhuanaithe a chur chun cinn agus a ghlacadh cibé áit is féidir linn, trí thacú lenár bhFoireann Ghlas ár sainordú bliantúil maidir le gníomhú ar son na haeráide a bhaint amach; agus
- oiliúint agus tacaíocht ghlas a chur ar fáil d’earnáil na meán.
Ó bunaíodh muid, tá an méid seo a leanas déanta againn:
- d’fhoilsíomar ár gcéad Sainordú um Ghníomhú ar son na hAeráide a léiríonn ár dtiomantas chun ár dtionchar a laghdú; agus
- chruthaíomar Foireann Ghlas, ionas gur féidir le comhghleacaithe cur lenár n-iarrachtaí cuideachta agus an eagraíocht a choinneáil cuntasach.
Ár gcuid oibre le hearnáil na meán
Ó 2025 ar aghaidh, beidh Coimisiún na Meán ina chomhpháirtí chríoch na hÉireann le haghaidh BAFTA albert, is é sin an phríomheagraíocht tionscail scáileáin um inbhuanaitheacht chomhshaoil. Le chéile, tacóimid le tionscal scannán agus teilifíse na hÉireann chun tionchair an léiriúcháin ar an gcomhshaol a laghdú agus chun ábhar a chruthú a thacaíonn le fís do thodhchaí inbhuanaithe. Tabharfaidh an t-áireamhán carbóin albert deis dúinn lorg carbóin earnáil na meán a thuiscint agus pleananna a chur i bhfeidhm chun é a laghdú sna blianta amach romhainn.
Spreagaimid inbhuanaitheacht inár gcleachtais oibre féin agus sa tionscal físe in Éirinn chomh maith. Táimid inár mbaill de Sustainable Media Ireland, ar grúpa é sin a thugann earnáil na meán in Éirinn le chéile chun foghlaim, eolas a chomhroinnt agus oibriú i gcomhpháirtíocht ar thionscnaimh agus feachtais inbhuanaitheachta.
Chun tuilleadh eolais a fháil faoi dheimhniú albert nó chun do Phlean Gníomhaíochta Carbóin léiriúcháin a thosú, téigh chuig ár leathanach maidir le Tionscal Inbhuanaitheachta . Is féidir ceisteanna tionscail a bhaineann le ALBERT a sheoladh chuig [email protected].