Forbairt na meán

Ceann de na príomhfhreagrachtaí atá orainn ag Coimisiún na Meán is ea tacú le hearnáil meán na hÉireann, ag cabhrú léi ábhar a fhorbairt a léiríonn agus a mhúnlaíonn sochaí na hÉireann. Dá réir sin, déanaimid réimse leathan gníomhaíochtaí tábhachtacha.

Áirítear ar na gníomhaíochtaí sin scéimeanna maoiniúcháin a riar chun tacú le léiriú agus caomhnú ábhair chraolta a bhfuil luach cultúrtha ag baint leis, agus chun tacú le hiriseoireacht phoiblí inrochtana ar ardchaighdeán a chruthú. Tacaímid le forbairt earnáil na meán agus gníomhaíochtaí gaolmhara trí urraíocht agus trí chláir foghlama agus forbartha earnála a chur chun feidhme. Le tionscnaimh litearthachta sna meáin, cinntítear gur féidir le daoine na meáin a thuiscint go criticiúil agus idirghníomhú leo agus roghanna eolasacha a dhéanamh faoin méid a fheiceann siad, a léann siad agus a roinneann siad ar líne. Tá sé mar aidhm againn ardchaighdeáin chleachtais chomhshaoil a chur chun cinn in earnáil na meán agus oibriú le craoltóirí chun comhionannas inscne, cothromas, éagsúlacht agus cuimsiú a chur chun cinn go leanúnach in earnáil na meán in Éirinn.