Scéimeanna iriseoireachta
Cuireann na Scéimeanna Iriseoireachta maoiniú ar fáil chun clúdach na n-údarás áitiúil agus na n-éisteachtaí cúirte dúiche agus cuarda a fhorlíonadh agus a fheabhsú. Bunaíodh iad sin tar éis moladh a fháil ón Tuarascáil ón gCoimisiún um Thodhchaí na Meán. Tacóidh na Scéimeanna le hearnáil na meán agus le hiriseoireacht leasa phoiblí inrochtana ar ardchaighdeán ar fud na hÉireann.
Scéim Tuairiscithe Daonlathais Áitiúil
Is é príomhchuspóir na Scéime seo a chinntiú go gcuimsíonn na meáin áitiúla tuairisciú ardchaighdeáin i leith institiúidí agus údaráis phoiblí, lena mbreithnítear saincheisteanna atá tábhachtach do shaoránaigh.
Scéim Tuairiscithe na gCúirteanna
Is é príomhchuspóir na Scéime seo tacú le ról ríthábhachtach soláthraithe seirbhíse meán agus é a fheabhsú maidir le tuairisciú ag iriseoirí oilte ar imeachtaí cúirte ar leibhéal áitiúil agus réigiúnach.
Na babhtaí maoiniúcháin atá ann faoi láthair
Leithdháileadh €6 milliún ar na Scéimeanna Iriseoireachta in 2024 a bhuí le maoiniú a fuair an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin TD. Clúdaíonn an maoiniú seo deontais agus costais riaracháin na Scéime.
Tuilleadh eolais
Is féidir ceisteanna faoin Scéim a sheoladh chuig [email protected]