Físeán ar éileamh
Tá Coimisiún na Meán freagrach as seirbhísí closamhairc meán ar éileamh (físeán ar éileamh) atá lonnaithe in Éirinn a rialáil.
Tagraíonn físeán ar éileamh d’ábhar físe ar féidir leis an mbreathnóir é a roghnú ó chatalóg clár a chuireann na soláthraithe seirbhíse ar fáil le féachaint orthu ag am a roghnaíonn siad.
Áirítear orthu sin réimse seirbhísí físeáin ar éileamh lena n-áirítear iad siúd atá á bhfeidhmiú ag Eagraíochtaí Meán Seirbhíse Poiblí amhail RTÉ Player agus Seinnteoir TG4 agus seirbhísí tráchtála eile amhail Virgin Media Player, Eir TV, Vodafone agus Apple TV+.
Coinnímid Clár de Sholáthraithe Seirbhíse Meán ina dtugtar sonraí faoi sholáthraithe físeáin ar éileamh atá lonnaithe in Éirinn, agus faoin tseirbhís a chuirtear ar fáil.
Tá an Clár seo faoi réir nuashonruithe, athruithe agus leasuithe ar bhonn leanúnach.
Treoirlínte & rialacha
Tá Treoirlínte (PDF) (Béarla) forbartha againn do sholáthraithe seirbhíse meán maidir le conas a chur in iúl dúinn go bhfuil seirbhís chlosamhairc ar éileamh á hoibriú acu, mar aon le Rialacha Clárúcháin (PDF) (Béarla).