Ceanglaítear ar Choimisiún na Meán (“an Coimisiún”) Clár Soláthraithe Seirbhíse Meán (“an Clár”) a bhunú agus a chothabháil de bhun an Achta Craolacháin, 2009 arna leasú (“Acht 2009”).
Dáta an nuashonraithe is déanaí: an 17 Nollaig 2024
Tá soláthraithe seirbhíse meán atá faoi dhlínse an Stáit agus a sholáthraíonn seirbhísí meán closamhairc ar éileamh faoi réir cláraithe. Tugadh cumhachtaí forfheidhmithe reachtúla don Choimisiún freisin i leith an phróisis clárúcháin lena n-áirítear, de bhun alt 46F, an chumhacht treoracha a eisiúint chuig soláthraithe seirbhíse meán chun gníomh sonraithe a dhéanamh i gcás gur dealraitheach don Choimisiún gur mhainnigh soláthraí seirbhíse meán a oibleagáidí maidir le fógra a thabhairt a chomhlíonadh.
Sainordaítear an fhaisnéis atá sa Chlár maidir le gach soláthraí seirbhíse meán le Rialachaarna bhfoilsiú ag an gCoimisiún. D’fhoilsigh an Coimisiún a chéad Chlár an 30 Samhain 2023 agus foilsíodh an dara Clár aige an 2 Eanáir 2024. Tá Clár athbhreithnithe á fhoilsiú ag an gCoimisiún inniu, an 17 Nollaig 2024, clár ina bhfuil dhá sholáthraí seirbhíse meán nua. Tá na hiontrálacha sa Chlár seo bunaithe ar na fógraí a cuireadh faoi bhráid an Choimisiúin, agus ar chinntí a rinne an Coimisiún, an 12 Nollaig 2024 nó roimhe sin. Léiríonn an Clár athbhreithnithe freisin athruithe ar an bhfaisnéis a bhaineann le soláthraithe seirbhíse meán agus/nó a gcuid seirbhísí de réir mar a cuireadh in iúl don Choimisiún iad de réir alt 46C d’Acht 2009.
Beidh an Clár faoi réir athruithe agus breisithe ar bhonn leanúnach. De bhun alt 46C d’Acht 2009, ní mór do sholáthraí seirbhíse meán cláraithe fógra a thabhairt don Choimisiún faoi aon athrú ar an bhfaisnéis arna taifeadadh sa Chlár a bhaineann leis an soláthraí nó leis na seirbhísí a sholáthraíonn an soláthraí. De réir alt 46E, ceanglaítear ar an gCoimisiún, ó am go ham de réir mar is cuí leis, gach iontráil sa Chlár a athbhreithniú agus iontráil a leasú más deimhin leis, tar éis an athbhreithnithe sin, nach bhfuil an soláthraí lena mbaineann iontráil faoi réir clárúcháin nó go bhfuil an fhaisnéis atá ar áireamh sa Chlár mícheart. Sula ndéanfaidh sé aon leasuithe, rachaidh an Coimisiún i gcomhairle leis an soláthraí (más indéanta déanamh amhlaidh) agus féadfaidh sé tuilleadh faisnéise a iarraidh ar an soláthraí chun cinneadh a dhéanamh cé acu a dhéanfar nó nach ndéanfar an leasú. Tabharfaidh an Coimisiún ráiteas i scríbhinn don soláthraí maidir le haon leasú den sórt sin.
Iontrálacha a bhaint
De bhun alt 46G d’Acht 2009, má bhaineann an Coimisiún den Chlár iontráil a bhaineann le soláthraí seirbhíse meán nó le seirbhís meán closamhairc ar éileamh, cuirfidh an Coimisiún ráiteas chuige sin agus na cúiseanna leis an mbaint sin den Chlár. Ó foilsíodh an Clár den uair dheireanach, tá soláthraí seirbhíse meán amháin agus seirbhís meán closamhairc ar éileamh amháin bainte ag an gCoimisiún mar seo a leanas:
Soláthraí Seirbhíse Meán
Seirbhís Meán Closamhairc ar Éileamh
Sorrento TV and Film Limited
Volta Seirbhís sruthaithe físeáin ar éileamh. Ar fáil trí shuíomh gréasáin Volta. Catalóg scannán, lena n-áirítear gnéithe insinte agus cláir faisnéise. Seirbhís atá bunaithe ar idirbhearta.
Cúiseanna leis an mbaint
Tháinig deireadh leis an tseirbhís meán closamhairc ar éileamh an 30 Samhain 2024. Tugadh fógra don Choimisiún faoin athrú sin an 11 Nollaig 2024.
Apple Distribution International Limited
Dlínse
Tá a Cheannoifig ag an soláthraí seirbhíse in Éirinn agus oibríonn cuid shuntasach den lucht saothair a bhfuil baint acu le tabhairt faoi ghníomhaíocht clárbhainteach seirbhíse meán closamhairc in Éirinn.
Seoladh
Apple Distribution International Limited,
Eastát Tionscail Chnoc an Chuilinn,
Cnoc an Chuilinn,
Corcaigh, T23 YK84
Éire.
Seirbhís físeáin ar éileamh a chomhiomlánaíonn ábhar síntiúis agus idirbheartaíochta ó rogha éagsúil soláthraithe ábhair agus cainéal ó Apple agus ó thríú páirtithe, atá ar fáil ar gach gléas crua-earraí Apple, líon roghnaithe gléasanna tríú páirtí agus teilifíseáin chliste, agus tríd an ngréasán. Ábhar siamsaíochta ginearálta, lena n-áirítear drámaí, ábhar grinn, ábhar grá, ábhar ficsin eolaíochta, scéinséirí, clasaicí, ábhar do leanaí agus ábhar teaghlaigh. Seirbhís atá bunaithe ar shíntiúis agus ar idirbhearta.
Apple TV+
Seirbhís físeáin ar éileamh ar fáil tríd an AppleTV App agus tríd an ngréasán. Scannáin bunaidh agus seónna teilifíse atá ar fáil ar Apple amháin chomh maith le cluichí spóirt beo áirithe ó Major League Baseball agus Major League Soccer. Seirbhís atá bunaithe ar shíntiúis.
TV Store/iTunes
Seirbhís físeáin ar éileamh ar fáil tríd an Apple TV App agus iTunes. Na heisiúintí agus an t-ábhar leabharlainne ó sholáthraithe tríú páirtí a chuimsíonn roinnt seánraí lena n-áirítear, ábhar grinn, ábhar ficsin eolaíochta & fantaisíochta, scéinséirí, ábhar do leanaí agus ábhar teaghlaigh. Seirbhís atá bunaithe ar idirbhearta.
Aspiegel SE
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Aspiegel SE
Mespil Court, an 3ú hUrlár,
Bóthar Mespil, Droichead na Dothra,
Baile Átha Cliath 4, D04 E516
Éire.
Seirbhís físeáin ar éileamh a chuirtear ar fáil trí fheidhmchlár soghluaiste do ghléasanna Huawei (fóin chliste, táibléid agus teilifíseáin chliste). Scannáin agus sraitheanna de gach seánra príomhshrutha, dírithe ar lucht féachana príomhshrutha de gach aois, lena n-áirítear cláir bheochana agus cláir faisnéise. Seirbhís atá bunaithe ar shíntiúis agus ar fhógraíocht.
Discovery Broadcasting Ireland Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Discovery Broadcasting Ireland Limited 1ú Urlár, 118 Sráid Bhagóid Íochtarach, Baile Átha Cliath 2,
Éire.
Seirbhís sruthaithe físeáin bheo agus ar éileamh le cainéil chomhchraolta líneacha, breith suas agus ábhar cartlannaithe.
Ar fáil trí aipeanna agus boscaí bairr. Cuimsíonn an t-ábhar na seánraí seo a leanas: stíl mhaireachtála, coireacht, paranormálta, eachtraíocht agus taiscéalaíocht, caidrimh, gluaisteánaíocht, baile, cláir faisnéise, dúlra agus ainmhithe, eolaíocht agus bia.
Seirbhís atá bunaithe ar shíntiúis.
Doyleup Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Glenlossera,
Bóthar Chill Mochuda Uachtarach, Dún Droma,
Baile Átha Cliath 14, D14 C6P3
Éire.
Seirbhís sruthaithe físeáin bheo agus ar éileamh ar fáil ar líne agus trí aipeanna.
Áirítear ar an ábhar ábhar spóirt amaitéaraigh agus leibhéal níos ísle CLG le hanailís físeáin faoi thiomáint IS.
Bunaithe ar shíntiúis & ar íoc ar amharc (fógraíocht agus urraíocht san áireamh).
eir Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
eir Limited
2022 Ascaill Bianconi
Citywest Business Campus,
Baile Átha Cliath 24, D24 HX03
Éire
Seirbhís bheo agus físeáin ar éileamh le tairiscintí breith suas.
Ar fáil ar líne, tríd an aip agus tríd an mbosca bairr.
Tá gach seánra d’ábhar Éireannach, coimisiúnaithe agus idirnáisiúnta ar fáil.
Seirbhís atá bunaithe ar shíntiúis.
Eiretainment Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Eiretainment Limited,
Aonad 3, Bóthar na Páirce Thiar,
Páirc Thionscail na Páirce Thiar,
Baile Átha Cliath 12, D12 DH93
Éire.
Seirbhís físeáin ar éileamh ar fáil ar líne agus trí aipeanna.
I measc an ábhair tá príomhscannáin Éireannacha agus gearrscannáin ficsin agus faisnéise.
Seirbhís atá bunaithe ar shíntiúis (fógraíocht san áireamh).
GAAGO Media Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
GAAGO Media Limited
Staid Pháirc an Chrócaigh,
Bóthar Mhic Sheoin,
Droim Conrach,
Baile Átha Cliath 3, D03 P6K7
Éire.
Seirbhís físeáin ar éileamh ar fáil ar líne agus trí aipeanna.
I measc an ábhair tá príomhscannáin Éireannacha agus gearrscannáin ficsin agus faisnéise.
Seirbhís atá bunaithe ar shíntiúis (fógraíocht san áireamh).
Google Ireland Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Google Ireland Limited
Gordon House
Baile Átha Cliath 4, D04 E5W5
Éire
Seirbhís físeáin ar éileamh ar fáil trí ghléasanna teilifíse Google TV agus Android, agus aipeanna Google TV le haghaidh gléasanna soghluaiste Android agus iOS.
Réimse leathan scannán agus seónna teilifíse, a chuimsíonn gach seánra agus atá dírithe ar gach aoisghrúpa.
Seirbhís atá bunaithe ar idirbhearta.
Google Play Movies and TV
Seirbhís físeáin ar éileamh ar fáil tríd an táb Movies & TV den dromchla gréasáin ag play.google.com agus trí aip ar ghléasanna Android TV.
Réimse leathan scannán agus seónna teilifíse, a chuimsíonn gach seánra agus atá dírithe ar gach aoisghrúpa.
Seirbhís atá bunaithe ar idirbhearta.
YouTube Movies and TV
Seirbhís físeáin ar éileamh ar fáil ar ardán comhroinnte físeán YouTube agus ar youtube.com/movies.
Réimse leathan scannán agus seónna teilifíse, a chuimsíonn gach seánra agus atá dírithe ar gach aoisghrúpa.
Seirbhís atá bunaithe ar idirbhearta.
Institiúid Scannán na hÉireann
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Institiúid Scannán na hÉireann
6 Sráid an Iústásaigh,
Barra an Teampaill,
Baile Átha Cliath 2, D02 PD85
Éire.
Seirbhís físeáin ar éileamh ar fáil ar líne agus trí shraith aipeanna.
Eisithe nua amharclannaíochta, séasúir theoranta agus teidil leabharlainne agus ábhar cartlainne atá ar fáil do lucht féachana na hÉireann.
Seirbhís atá bunaithe ar idirbhearta.
IFI International
Seirbhís físeáin ar éileamh ar fáil ar líne agus trí shraith aipeanna.
Scannáin Éireannacha agus bailiúcháin choimeádta le haghaidh taispeántais chultúrtha ar fud an domhain.
Seirbhís atá bunaithe ar idirbhearta.
IFI@schools
Seirbhís físeáin ar éileamh ar fáil ar líne.
Eisiúintí nua amharclannaíochta agus teidil leabharlainne ar fáil do bhunscoileanna agus do mheánscoileanna na hÉireann.
Seirbhís atá bunaithe ar shíntiúis agus ar idirbhearta.
IFI Archive Player
Seirbhís físeáin ar éileamh ar fáil ar líne agus trí shraith aipeanna.
Seomra féachana fíorúil de Chartlann Scannán na hÉireann IFI ar fáil do lucht féachana domhanda.
Seirbhís saor in aisce.
LinkedIn Ireland
Dlínse
Tá a Cheannoifig ag an soláthraí seirbhíse in Éirinn agus oibríonn cuid shuntasach den lucht saothair a bhfuil baint acu le tabhairt faoi ghníomhaíocht clárbhainteach seirbhíse meán closamhairc in Éirinn.
Seoladh
LinkedIn Ireland Unlimited Company
Attn: An Roinn Dlí (LinkedIn Learning)
Wilton Plaza, Plás Wilton
Baile Átha Cliath 2, D02 AD98
Éire.
Seirbhís físeáin ar éileamh a chuirtear ar fáil tríd an suíomh gréasáin agus tríd an aip.
Cúrsaí gairmiúla atá deartha chun cabhrú le foghlaimeoirí le forbairt ghairmiúil.
Seirbhís atá bunaithe ar shíntiúis.
Microsoft Ireland Operations Limited
Dlínse
Tá a Cheannoifig ag an soláthraí seirbhíse in Éirinn agus oibríonn cuid shuntasach den lucht saothair a bhfuil baint acu le tabhairt faoi ghníomhaíocht clárbhainteach seirbhíse meán closamhairc in Éirinn.
Seoladh
Microsoft Ireland Operations Limited
70 Cé Sir John Rogerson,
Baile Átha Cliath 2, D02R296
Éire.
Seirbhís físeáin ar éileamh ar fáil ar aip Microsoft Movies & TV, ar chonsól Xbox, nó ar ghléas Windows.
Príomhscannáin agus cláir theilifíse lánfhada arna n-eisiúint ag stiúideonna agus dáileoirí móra.
Seirbhís atá bunaithe ar idirbhearta.
Microsoft Start
Rannóg dícheangailte físeáin ar éileamh (Microsoft Start Watch) ar fáil ar líne agus trí aip.
Físeáin ghearrfhoirme éagsúla, faoi chatagóirí éagsúla, dírithe ar gach aoisghrúpa.
Seirbhís saor in aisce (fógraíocht san áireamh).
Pro Rugby Championship DAC
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Pro Rugby Championship DAC
3ú Urlár Millbank House,
Bóthar Arkle,
Sandyford Industrial Estate,
Baile Átha Cliath 18, D18 C6R3
Éire.
Seirbhís bheo agus físeáin ar éileamh ar fáil ar líne agus trí aip shoghluaiste.
Cluichí gairmiúla rugbaí agus pacáistí buaicphointí ó United Rugby Championship.
Seirbhís atá bunaithe ar shíntiúis.
Raidió Teilifís Éireann
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
RTÉ
Montrose, Domhnach Broc,
Baile Átha Cliath 4
Éire.
Seirbhís bheo agus físeáin ar éileamh.
Ar fáil ar an ngréasán, ar fhón cliste, ar tháibléid agus ar theilifíseáin.
Ábhar ar fud gach mórsheánra, lena n-áirítear drámaíocht, greann, nuacht/cúrsaí reatha, spórt, an óige, siamsaíocht, fíricí agus cláir faisnéise.
Seirbhís saor in aisce (fógraíocht san áireamh).
RugbyPass Limited
Dlínse
Tá an soláthraí seirbhíse bunaithe de réir dhlí na hÉireann agus tá a oifig chláraithe aige in Éirinn.
Seoladh
RugbyPass Limited
World Rugby House,
8-10 Sráid Pheambróg Íochtarach,
Baile Átha Cliath 2, D02 AE93
Éire.
Live and video on-demand service available online and via the RugbyPass TV app.
Content includes live and on-demand rugby matches, tournaments, podcasts and interviews, documentaries, and various programmes including highlights and analysis.
Free-to-view service (includes advertising).
Teilifís na Gaeilge (TG4)
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
TG4
Baile na hAbhann,
Co na Gaillimhe, H91 X4T0
Éire.
Seirbhís bheo agus físeáin ar éileamh le tairiscintí breith suas. Ar fáil trí shuíomh gréasáin agus aipeanna TG4.
Cuimsítear leis an ábhar gach seánra, lena n-áirítear spórt, cláir faisnéise, nuacht agus cúrsaí reatha, siamsaíocht agus ábhar do leanaí, boscraí, bailiúcháin, agus ábhar gearrfhoirme.
Seirbhís saor in aisce (fógraíocht san áireamh).
Molscéal
Video on-demand service available online and via TG4 app.
Short form video stories of all genres aimed at the Gaeltacht and Irish language communities worldwide.
Free-to-view service.
Virgin Media Television Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Virgin Media Television
Macken House,
39/40 Sráid an Mhéara Uachtarach,
Baile Átha Cliath 1, D01 C9W8
Éire.
Seirbhís sruthaithe bheo agus ar éileamh le tairiscintí breith suas.
Ar fáil ar láithreán gréasáin Virgin Media agus trí aipeanna. Ábhar Virgin Media ar fáil lena n-áirítear ábhar Éireannach, nuacht, spórt, cúrsaí reatha, cláir choimisiúnaithe, agus ábhar idirnáisiúnta.
Seirbhís saor in aisce (fógraíocht san áireamh)
Vodafone Ireland Limited
Dlínse
Tá a Cheannoifig ag an soláthraí seirbhíse in Éirinn agus déantar na cinntí eagarthóireachta ábhartha in Éirinn.
Seoladh
Vodafone TV Play
Vodafone Ireland Limited
Radharc an tSléibhe
Baile na Lobhar
Baile Átha Cliath 18
Éire
Sonraí teagmhála
Cúram Custaiméirí Teil: 1907
Seirbhísí meán closamhairc ar éileamh
Vodafone TV Play
Seirbhís físeáin ar éileamh le tairiscintí breith suas 7 lá.
Ar fáil trí bhosca bairr agus trí aip. Gnáthábhar craolta teilifíse dírithe ar gach aois.
Seirbhís atá bunaithe ar shíntiúis.