Dáta éifeachtach fógartha do threoirlínte maidir le clúdach craolacháin ar olltoghchán an Seanaid  

D’fhógair Coimisiún na Meán inniu (15.01.2025) an dáta a thiocfaidh a chuid Treoirlínte i bhfeidhm maidir le clúdach Olltoghchán an tSeanaid 2025. Tiocfaidh na treoirlínte i bhfeidhm inniu agus beidh siad i bhfeidhm go dtí 11.00am ar an 30 Eanáir 2025. 

Ag féachaint don chaoi a ritear Olltoghchán an tSeanaid, d’fhéadfadh sé nach mbeadh na forálacha uile a leagtar amach sna treoirlínte ábhartha maidir leis an gclúdach a dhéanfaidh craoltóir. Cuir i gcás, measann an Coimisiún nach bhfuil na bearta breise le linn ‘Thréimhse Chriticiúil an Toghcháin’, a leagtar amach i Roinn 11, ábhartha toisc go gcaitear na vótaí sa phost. Mar gheall air sin, toisc gur iomchuí é go bhfuil an fhreagracht maidir le cinntí i ndáil le clúdach eagarthóireachta ar chraoltóirí agus orthu siúd amháin, is faoi gach craoltóir é an cur chuige is iomchuí maidir le clúdach a chinneadh agus aird a thabhairt ar cibé a chlúdóidh a sheirbhís an toghchán agus méid agus cineál an chlúdaigh sin. 

Maidir le Roinn 13 de na Treoirlínte, is féidir le Coimisiún na Meán treoir bhreise a chur ar fáil i ndáil le cur i bhfeidhm praiticiúil na dTreoirlínte. Ba chóir iarratais a sheoladh ar ríomhphost chuig election@cnam.ie  

• Tá na Treoirlínte Maidir le Clúdach Toghcháin ar fáil le híoslódáil anseo Gaeilge agus Béarla. 

• Tá an Cód maidir le Cothroime, Oibiachtúlacht agus Neamhchlaontacht i gCláir Nuachta agus Cúrsaí Reatha ar fáil le híoslódáil Gaeilge agus Béarla.