Foghlaim & forbairt
Tá sé tábhachtach do Choimisiún na Meán oiliúint, foghlaim agus forbairt a spreagadh agus tacú leo in earnáil fuaime agus chlosamhairc na hÉireann.
Mar rialtóir ní chuirimid féin gníomhaíochtaí oiliúna agus forbartha ar fáil. Ina ionad sin oibrímid le líonraí tionscail agus le heagraíochtaí ionadaíocha chun tionscnaimh oiriúnacha a chur ar fáil. Cuidíonn an cur chuige seo leis an tionscal a bheith inbhuanaithe i gcónaí, tacaíonn sé leis an gcruthaitheacht agus leis an nuálaíocht, agus oibríonn sé i dtreo tírdhreach meán atá faoi bhláth agus éagsúil a chinntiú a léiríonn sochaí na hÉireann.
An Clár Maoinithe um Fhoghlaim agus Forbairt Earnála
I gcomhréir lenár mBeartas um Fhoghlaim agus Forbairt Earnála, oibrímid clár maoinithe gach bliain le Treoir d’Iarratasóirí agus Foirm Iarratais ar fáil ar ár suíomh gréasáin. Bímid i dteagmháil le páirtithe leasmhara maidir lena riachtanais forbartha agus cuirimid maoiniú ar fáil d’iarrthóirí rathúla chun tionscnaimh, oiliúint agus / nó gníomhaíochtaí meantóireachta a sheachadadh.
In 2024, leithdháileadh os cionn leathmhilliún euro faoin gclár um Fhoghlaim agus Forbairt Earnála. Leithdháileadh an maoiniú ar ghrúpaí lena n-áirítear líonraí a dhéanann ionadaíocht ar na meáin tráchtála agus phobail, grúpaí a bhaineann go sonrach leis an tionscal a dhéanann ionadaíocht do léiritheoirí, beochantóirí agus iriseoirí, eagraíochtaí abhcóideachta agus grúpaí a chuireann an Ghaeilge chun cinn. Mar shampla, ar cheann de na cláir a dtacaímid leo, cuirtear intéirneacht i stáisiún raidió tráchtála áitiúil ar fáil do dheichniúr céimithe ó gach cearn d’Éirinn, agus cuireann ceann eile oiliúint agus tacaíocht ar fáil do dhaoine óga ó chúlraí a bhfuil tearcionadaíocht acu, de mhionlaigh eitneacha agus ísealioncaim.
Seo thíos na hiarrthóirí ar éirigh leo maoiniú a fháil do 2024
- Community Television Association (CTA)
- CRAOL
- Learning Waves Screen Producers Ireland (SPI)
- Creative Europe Dublin
- Women On Air
- NUJ
- Creative Europe Galway
- Cultural & Creative Industries Skillnet / Animation Ireland
- Women in Film & Television (WFT)
- Writers Guild of Ireland
- IFTA
- Galway Film Centre (Ardán)
- Screen Composers Guild of Ireland
- ACE Producers
- Oireachtas na Gaeilge
- X-Pollinator
- Gorm Media
- Film Ireland
- Celtic Media Festival
- LW Journalism Graduate Programme
Tuilleadh eolais
Chun tuilleadh eolais a fháil maidir le deiseanna maoinithe d’Fhorbairt Earnála, téigh chuig ár leathanach maidir leis an Tionscal Foghlama & Forbartha.