Failtíonn Coimisiún na Meán conclúid ar an próiseas Córas Faisnéise na Rialachán Teicniúil (‘TRIS’) maidir leis an gCód Sábháilteacha Ar Líne.
Tugann an Coimisiún faoi deara nach bhfuarthas aon tuarimí faoin gCód ón gCoimisiún Eorpach nó ballstáite AE eile agus tá sé beartaithe againn an gCód Sábháilteacha Ar Líne a chuir i bhfeidhm ar ardáin comhroinnte físeán a bhfuil a gceanncheathrú AE acu in Éirinn san Fhómhar.
Fáiltímid roimh Bhreithiúnas na Cúirte agus dearbhú ár sonraithe go mbeidh Reddit agus Tumblr ina Seirbhísí Ardáin Comhroinnte Físeán. Táimid ag obair i gcónaí ar ár ndréacht-Chód Sábháilteachta Ar Líne agus táimid ag súil go mbeidh sé i bhfeidhm níos déanaí i mbliana, mar chuid dár gCreat Sábháilteachta Ar Líne. Táimid tiomanta dár réimse iomlán cumhachtaí a úsáid chun feabhas a chur ar an tsábháilteacht ar líne d’úsáideoirí in Éirinn agus ar fud na hEorpa.
Inniu, (13 Meitheamh), d’fhoilsigh Coimisiún na Meán an próiseas cinnteoireachta a bheidh in úsáid acu le cinneadh a dhéanamh cé acu atá soláthraí seirbhísí óstála (HSP) in Éirinn neamhchosanta ar ábhar sceimhlitheoireachta ar líne. Is samplaí iad ardáin meán sóisialta, seirbhísí óstála gréasáin agus néalseirbhísí de sholáthraithe seirbhísí óstála.
Sa chás go gcinntear go bhfuil soláthraí seirbhísí óstála neamhchosanta ar ábhar sceimhlitheoireachta, beidh sé de dhualgas orthu bearta sonracha a dhéanamh. Féadfaidh an méid a leanas a bheith san áireamh:
Sa Chreat um Chinntí, leagtar na céimeanna amach a ghlacfaidh Coimisiún na Meán chun Rialachán an AE maidir le hÁbhar Sceimhlitheoireachta ar Líne (TCOR) a fhorfheidhmiú, atá mar chuid de Chreat Sábháilteachta Ar Líne na heagraíochta.
Tá foráil sa Rialachán maidir le hÁbhar Sceimhlitheoireachta ar Líne le haghaidh sásra ar fud an AE chun aghaidh a thabhairt ar scaipeadh an ábhair sceimhlitheoireachta ar líne agus chun cur ar chumas na soláthraithe seirbhíse óstála ábhar sceimhlitheoireachta a bhaint go tapa. Is ábhar é ábhar sceimhlitheoireachta a ghríosaíonn, a mheallann, a bhagraíonn nó a chuireann treoir ar fáil maidir le cionta sceimhlitheoireachta a dhéanamh.
Faoin reachtaíocht, is é An Garda Síochána an t-údarás inniúil faoin Rialachán maidir le hÁbhar Sceimhlitheoireachta ar Líne atá freagrach as orduithe baint anuas a eisiúint ar ábhar sceimhlitheoireachta do sholáthraithe seirbhísí óstála in Éirinn. Cuirtear tús le ról an Choimisiúin faoin Rialachán maidir le hÁbhar Sceimhlitheoireachta ar Líne nuair a chuirtear ar an eolas é go bhfuil dhá ordú baint anuas nó níos mó faighte ag soláthraí seirbhísí óstála atá lonnaithe in Éirinn mar gheall ar ábhar sceimhlitheoireachta ó aon údarás inniúil de chuid an Aontais Eorpaigh sa 12 mhí roimhe sin. Ansin, déanfaidh an Coimisiúnbreithniú cé acu ar chóir forálacha an Rialacháin maidir le hÁbhar Sceimhlitheoireachta ar Líne a chur i bhfeidhm agus an Creat um Chinntí chun aghaidh a thabhairt ar scaipeadh an ábhair sceimhlitheoireachta ar líne á chomhlíonadh aige.
Má sháraíonn soláthraithe seirbhísí óstála an Rialachán maidir le hÁbhar Sceimhlitheoireachta Ar Líne, féadfar fíneálacha riaracháin a ghearradh lena n-áirítear pionóis airgeadais suas le ceathair faoin gcéad den láimhdeachas iomlán.
Dúirt Coimisinéir Sábháilteachta ar Líne de chuid Choimisiún na Meán, Niamh Hodnett:“Tá Coimisiún na Meán freagrach as iallach a chur ar sheirbhísí digiteacha, a bhfuil a gceanncheathrú in Éirinn acu, a bheith freagrach as an gcaoi a dtugann siad cosaint do dhaoine ó dhíobháil ar líne. Tá ábhar sceimhlitheoireachta ar cheann de na catagóirí is dainséaraí d’ábhar sceimhlitheoireachta a dtugtar aghaidh air inár gCreat Sábháilteachta Ar Líne.
“Bainfidh an Coimisiún úsáid as gach beart atá ar fáil faoinár gCreat Sábháilteachta Ar Líne le húsáideoirí a chosaint ó ábhar sceimhlitheoireachta ar líne. Sa Chreat um Chinntí a foilsíodh inniu, leagtar amach an próiseas a leanfaidh Coimisiún na Meán mar údarás inniúil na hÉireann faoi Rialachán an Aontais maidir le hÁbhar Sceimhlitheoireachta ar Líne chun cinneadh a dhéanamh cé acu an bhfuil nó nach bhfuil soláthraí seirbhísí óstála neamhchosanta ar ábhar sceimhlitheoireachta, agus leagtar amach na príomhoibleagáidí a bheadh ar sholáthraí seirbhísí óstála tar éis de chinneadh den chineál sin a bheith glactha. Is céim eile é an Creat um Chinntí le húsáideoirí seirbhísí ar líne a chosaint ó dhíobháil”.
Tá an Creat Sábháilteachta ar Líne comhdhéanta den Rialachán maidir le hÁbhar Sceimhlitheoireachta ar Líne, an Gníomh um Sheirbhísí Digiteacha, a chuireann bac ar ábhar mídhleathach ar ardáin ar líne, lena n-áirítear ábhar sceimhlitheoireachta, agus den Chód Sábháilteachta ar Líne nuafhoilsithe, a chuirfidh bac, agus é tugtha chun críche, ar ábhar sceimhlitheoireachta a uaslódáil agus a roinnt ar sheirbhísí ardáin comhroinnte físeán.
I gcomhréir le halt 67(3) den Acht Craolacháin 2009 arna leasú, (“Acht”) fógraíonn Coimisiún na Meán (“An Coimisiún”) leis seo go bhfuil sé ar intinn ag an gCoimisiún an mear-phróiseas ceadúnaithe a agairt faoi alt 67(6) den Acht chun gach ceann de na naoi gconradh craolacháin fuaime (“Conradh”), a bhfuil cur síos orthu thíos, a dheonú.
Má tá suim ag aon duine, seachas an sealbhóir, an tseirbhís chraolacháin fuaime seo a sholáthar, ní mór dóibh aighneacht i scríbhinn a chur isteach, ag cur in iúl gur mian leo iarratas a dhéanamh ar dheonú an chonartha seo, agus éarlais sa mhéad €20,000 a chur i dtaisce leis an gCoimisiún faoin spiocdháta atá luaite. Tá an éarlais sin in-aisíoctha, má chuirtear iarratas ar dheonú an chonartha faoi bhráid an Choimisiúin ina dhiaidh sin, de réir alt 67(5) den Acht.
Ní mór an aighneacht a bheith leagtha amach de réir an “Treoir d’Aighneachtaí: Léiriú Intinne” atá foilsithe thíos do gach conradh craolacháin fuaime. Ní ionann Léiriú Intinne a chuirtear isteach mar fhreagairt ar an bhfógra seo agus iarratas ar an gConradh. Eiseofar cuireadh chun iarratas a dhéanamh ar dheontas an Chonartha de réir alt 65(8) den Acht ar leithligh, má mheasann an Coimisiún gur cuí déanamh amhlaidh.
An Mhumhain
Tá an Conradh, le WKW FM Limited faoi láthair atá ag craoladh na seirbhíse Beat 102-103, le dul in éag ar an 30 Márta 2025.
Tá an Conradh, le Raidió Chiarraí Teoranta faoi láthair atá ag craoladh na seirbhíse Radio Kerry, le dul in éag ar an 9 Aibreán 2025.
Tá an Conradh, le County Media Limited faoi láthair atá ag craoladh na seirbhísí thuasluaite, le dul in éag ar an 30 Aibreán 2025.
Connacht-Ulaidh
Tá an Conradh, le Donegal Highland Radio Limited faoi láthair atá ag craoladh na seirbhíse Highland Radio, le dul in éag ar an 30 Márta 2025.
Tá an Conradh, le North West Broadcasting Limited faoi láthair atá ag craoladh na seirbhíse Ocean FM, le dul in éag ar an 30 Márta 2025.
Laighin seachas Cathair agus Contae Bhaile Átha Cliath
Tá an Conradh, le C.K. Broadcasting Limited faoi láthair atá ag craoladh na seirbhíse KCLR 96FM, le dul in éag ar an 21 Aibreán 2025.
Tá an Conradh, le Midlands Community Radio Services Limited faoi láthair atá ag craoladh na seirbhíse Midlands 103, le dul in éag ar an 30 Márta 2025.
Cathair agus Contae Bhaile Átha Cliath
Tá an Conradh, le Bauer Audio Ireland Limited ar son Bauer Audio Ireland LP faoi láthair atá ag craoladh na seirbhíse Spin 103.8, le dul in éag ar an 5 Aibreán 2025.
Tá an Conradh, le Star Broadcasting Limited faoi láthair atá ag craoladh na seirbhíse Sunshine 106.8, le dul in éag ar an 30 Márta 2025.
Beidh feidhm ag rialacha sábháilteachta ar líne, ar rialacha ceangailteacha iad, maidir le hardáin comhroinnte físeán bunaithe in Éirinn
D’fhoilsigh Coimisiún na Meán (27.05.2024) Dréacht-Chód Sábháilteachta ar Líne nuashonraithe inniu mar fhreagairt ar a chomhairliúchán poiblí. Leagfar síos rialacha ceangailteacha leis an gCód deiridh a bheidh i bhfeidhm maidir le hardáin comhroinnte físeán a bhfuil a gceanncheathrú AE acu in Éirinn. Tá an Cód á chur faoi bhráid an Choimisiúin Eorpaigh inniu (27.05.2024) faoin bpróiseas maidir leis an Treoir um Chóras Faisnéise na Rialachán Teicniúil (TRIS), a bhfuil tréimhse neamhghníomhaíochta 3-4 mhí i gceist leis. Nuair a bheidh an próiseas seo críochnaithe, cuirfidh Coimisiún na Meán an Cód i bhfeidhm ar ardáin comhroinnte físeán a bhfuil a gCeanncheathrú AE acu in Éirinn.
Beidh an Cód deiridh ina chuid de Chreat Iomlán Sábháilteachta ar Líne de chuid Choimisiún na Meán. Leis an gCreat seo, beidh seirbhísí digiteacha freagrach as an gcaoi a dtugann siad cosaint do dhaoine, go háirithe leanaí, ó dhíobháil ar líne. Bainfidh an Cód nuashonraithe, agus na codanna eile den Chreat Sábháilteachta ar Líne cuspóirí an Achta um Shábháilteacht ar Líne agus Rialúchán na Meán amach, rud a fhágfaidh go mbeidh eispéiris níos sábháilte ar líne ag daoine ar fud na hÉireann.
Tugann an Cód oibleagáidí isteach ar ardáin comhroinnte físeán chun a n‑úsáideoirí a chosaint ó ábhar díobhálach, lena n‑áirítear:
Tugtar na huirlisí do Choimisiún na Meán sa Chreat Sábháilteachta ar Líne ina iomláine chun aghaidh a thabhairt ar na bunchúiseanna atá le díobháil ar líne, lena n‑áirítear infhaighteacht an ábhair neamhdhleathaigh, tionchar díobhálach na gcóras molta, agus cosaintí uireasacha le haghaidh páistí ar sheirbhísí na meán sóisialta.
Dúirt an Coimisinéir Sábháilteachta ar Líne, Niamh Hodnett: “Is gá saol níos sábháilte a chruthú ar líne do gach duine againn, agus go mór mór dár bpáistí. Is céim thábhachtach chun cinn é an Cód nuashonraithe seo ionas go mbeidh ardáin freagrach as daoine a choinneáil sábháilte ar líne. Cuirtear san áireamh sa Chód na freagairtí ar ár gcomhairliúchán poiblí agus ar ár gcomhairliúchán lenár gCoiste Comhairleach don Óige. Cuirimid an Coimisiún Eorpach ar an eolas faoin gCód anois agus nuair a bheidh an próiseas sin críochnaithe, cuirfimid i bhfeidhm é níos déanaí i mbliana.”
Dúirt Cathaoirleach Feidhmiúcháin Choimisiún na Meán, Jeremy Godfrey: “I dteannta leis na cumhachtaí atá againn faoi Ghníomh um Sheirbhísí Digiteacha an AE agus faoin Rialachán maidir le hÁbhar Sceimhlitheora ar Líne, fágfaidh an Cód Sábháilteachta ar Líne go mbeidh sraith láidir uirlisí againn chun feabhas a chur ar shaol daoine ar líne. Déanfaimid cinnte go n‑úsáidfimid réimse iomlán ár gcumhachtaí chun feabhas a chur ar eispéiris daoine ar líne.”
Ba mhaith le Coimisiún na Meán comhghairdeas a dhéanamh le hainmnithe agus buaiteoirí Ghradaim IFTA 2024, a d’óstáil Acadamh Scannán agus Teilifíse na hÉireann Dé Sathairn.
D’aimsigh roinnt tionscadal, maoinithe ag Scéim Mhaoinithe Craolacháin Fuaim & Fís Choimisiún na Meán, ainmniúcháin agus duaiseanna ar an oíche. Is scéim mhaoinithe é Sound & Vision do chláir teilifíse agus raidió, maoinithe trí tháille an cheadúnais teilifíse.
Bhuaigh That They May Face The Rising Sun, oiriúnaithe as úrscéal John McGahern faoin saol faoin tuath in Éirinn, an phríomhdhuais don Scannán is Fearr. Faoi stiúir Pat Collins, eiseofar an scannán i bpictiúrlanna na hÉireann Dé hAoine seo chugainn agus fuair sé maoiniú ó Bhabhta 38 den Scéim.
Bronnadh Gradam Príomhscannán Faisnéise George Morrison ar The Days of Trees ón stiúrthóir Alan Gilsenan agus an léiritheoir Tomás Hardiman, arna mhaoiniú faoi Bhabhta 31 den Scéim.
Fógraíodh an t-aisteoir Siobhán Cullen mar Réalt Éirítheach 2024 de chuid Fhís Éireann / Screen Ireland as a róil in Obituary agus The Dry, an dá cheann maoinithe ag Fuaim & Fís.
Tugann Coimisiún na Meán tacaíocht do Ghradaim IFTA trína Scéim Urraíochta.
Faoi Alt 22 den Acht um Sheirbhísí Digiteacha, is féidir le Coimisiún na Meán stádas an Chomharthóra Iontaofa a bhronnadh. Oibreoidh Comharthóirí Iontaofa laistigh de réimsí ainmnithe saineolais chun ábhar mídhleathach a shainaithint. Nuair a shainaithníonn Comharthóir Iontaofa ábhar mídhleathach, is féidir leis fógra a chur faoi bhráid an ardáin ar líne ábhartha. Beidh dualgas ar ardáin ar líne de réir dlí tús áite a thabhairt dá bhfógraí, agus na tuarascálacha seo a phróiseáil agus cinntí a dhéanamh ina leith gan moill mhíchuí.
Is féidir le comhlachtaí, mar shampla eagraíochtaí neamhrialtasacha, cónaidhmeanna tionscail agus comhlachais trádála, baill de líonraí seanbhunaithe na seiceálaithe fíricí, ceardchumainn, eintitis phoiblí neamhrialála agus comhlachtaí príobháideacha nó leathphoiblí, a bheith ina gComharthóirí Iontaofa.
Le bheith ina Chomharthóir Iontaofa, ní mór don chomhlacht iarrthach:
Is féidir le Coimisiún na Meán stádas an Chomharthóra Iontaofa a bhronnadh ar eagraíochtaí a chomhlíonann na coinníollacha thuas agus táthar ag spreagadh eintitis cháilithe le cur isteach air. Le deireanaí, d’fhoilsíomar treoir agus foirm iarratais ar ár suíomh gréasáin agus moltar d’eagraíochtaí a bhfuil suim acu inti an treoir seo a léamh agus dul i dteagmháil le trustedflaggerapplications@cnam.ie le haon cheist atá acu.
Bíonn Lá na Sábháilteachta Idirlín ar siúl gach Feabhra chun feasacht a ardú ar idirlíon níos sábháilte agus níos fearr do chách, agus go háirithe do leanaí agus do dhaoine óga.
Is é 6 Feabhra 2024 an 21ú bliain de Lá na Sábháilteachta Idirlín, agus an chéad Lá na Sábháilteachta Idirlín ó bunaíodh Coimisiún na Meán agus ceapadh an chéad Choimisinéir um Shábháilteacht Ar Líne in Éirinn, Niamh Hodnett. I mbliana, tá Coimisiún na Meán ag tacú le feachtas Webwise ar an téama ‘Teicneolaíocht inár ndomhan’, ag fiosrú tuairimí daoine óga ar ról na teicneolaíochta ina saol, athruithe atá tagtha chun cinn le déanaí agus forbairtí teicneolaíochta agus athruithe ba mhaith le daoine óga a fheiceáil.
Dúirt an Coimisinéir Sábháilteachta Ar Líne Niamh Hodnett:
“Tá lúcháir orm tacú le Lá na Sábháilteachta Idirlín na bliana seo, ar deis iontach é machnamh a dhéanamh ar an obair atá á déanamh ar fud an domhain chun domhan ar líne níos sábháilte a chruthú, go háirithe do leanaí. Tá muidne ag Coimisiún na Meán réidh lenár bpáirt a ghlacadh trínár gCreat Sábháilteachta Ar Líne a chur i bhfeidhm, mar chuid de Líonra Domhanda na Rialtóirí Sábháilteachta Ar Líne agus lenár gcomhghleacaithe i mBallstáit eile an AE tríd an mBord Eorpach um Sheirbhísí Digiteacha. Ó thosaigh mé ar mo ról i mí an Mhárta anuraidh, chuala mé ó raon leathan grúpaí a dhéanann ionadaíocht ar leanaí agus daoine óga, lena n-áirítear ár gCoiste Comhairleach Óige féin, agus táimid ag tnúth le tionchar dearfach a imirt ar a son.”
Tá Coimisiún na Meán ag cur a Chreat Sábháilteachta Ar Líne i ngníomh in 2024. Cuirfidh sé seo deireadh le ré an fhéinrialaithe agus beidh ardáin ar líne cuntasach as an gcaoi a gcoimeádann siad a n-úsáideoirí, go háirithe leanaí, sábháilte ar líne. Tiocfaidh píosaí éagsúla reachtaíochta le chéile chun an creat foriomlán sábháilteachta ar líne seo a fhoirmiú:
Leanann Coimisiún na Meán de bheith ag tacú le Litearthacht sna Meáin, Éire agus leis an bhFeachtas Bíodh Tuiscint Agat Ar Na Meáin, lena chinntiú go bhfuil na scileanna agus an mhuinín ag gach duine in Éirinn chun rochtain a fháil ar fhaisnéis ar líne, chun tuiscint a fháil ar an gcaoi a n-oibríonn seirbhísí digiteacha agus chun na rioscaí ar féidir le daoine aghaidh a thabhairt orthu ar líne a bhainistiú.
Comhordaíonn Ionad Idirlín Níos Sábháilte, Éire, Lá na Sábháilteachta Idirlín. Is comhpháirtíocht é idir Webwise, ISPCC, Comhairle Náisiúnta na dTuismitheoirí Bunscoile agus Hotline.ie, a sholáthraíonn raon seirbhísí sábháilteachta comhlántacha ar líne, lena n-áirítear ionad oideachais agus feasachta, línte cabhrach do leanaí agus do thuismitheoirí, agus beolíne. Comhordaíonn an Roinn Dlí agus Cirt an tIonad agus cómhaoiníonn an tAontas Eorpach é.
Cóip de litir a sheol an Cathaoirleach Feidhmiúcháin Jeremy Godfrey chuig eagarthóir an Irish Times ar 25 Eanáir.
Tugann colún teicneolaíochta Karlin Lillington ón 25 Eanáir drochléiriú ar mholtaí Choimisiún na Meán maidir leis na bearta fíoraithe aoise atá in úsáid ag ardáin chomhroinnte físeán.
Cuireann sí ina leith go bhfuilimid ag moladh clár d’úsáideoirí pornagrafaíochta a chruthú agus ag maíomh ar líne, gan bhunús, go mbeadh ar dhaoine a ndoiciméid aitheantais agus scanadh aghaidhe a uaslódáil, agus go gcoimeádfadh suíomhanna pornagrafaíochta an fhaisnéis seo ar feadh sé bliana. Maíonn sí go fiú go bhféadfadh go mbeadh ar dhaoine nach bhfuil ach ag iarraidh féachaint ar fhíseáin de chait seo a dhéanamh freisin.
Deir sí go mbeadh a leithéid de mholadh ar mire glan. Aontaímid. Agus sin an chúis nach ndearnamar breith air ná a mholadh.
Tá neart fianaise ann den dochar a dhéanann rochtain éasca ar phornagrafaíocht ar líne do pháistí, ach níor mhór do bhearta a laghdaíonn an rochtain seo meas a léiriú ar phríobháideachas úsáideoirí agus ba chóir dóibh a laghad cur isteach agus is féidir a dhéanamh ar chumas daoine fásta breathnú ar ábhar atá dleathach.
Tá comhairliúchán ar bun ag Coimisiún na Meán maidir le dréacht de Chód Sábháilteachta ar Líne le haghaidh ardáin chomhroinnte físeán, lena n-áirítear bearta fíoraithe aoise. An moladh atá againn ná nár chóir d’ardáin chomhroinnte físeán lonnaithe in Éirinn ábhar pornagrafaíochta a thaispeáint d’úsáideoirí d’aon turas, ach amháin sa chás go bhfuil sé deimhnithe acu go bhfuil an t-úsáideoir ina dhuine fásta.
Ní cheadaíonn an chuid is mó d’ardáin in Éirinn pornagrafaíocht, agus ní bheidh impleachtaí ag an moladh seo dóibh nó dá n-úsáideoirí. Ní bheadh ach ar ardáin a cheadaíonn pornagrafaíocht aois a n-úsáideoirí atá ag iarraidh breathnú uirthi a fhíorú. Ní bheadh ar úsáideoirí nach bhfuil suim acu ach i bhfíseáin de chait a n-aois a fhíorú.
Nílimid ag moladh go mbeimid forordaitheach maidir leis an modh fíoraithe aoise a bheidh in úsáid ag ardáin sula dtaispeántar ábhar pornagrafaíochta d’úsáideoirí. Is iad na hardáin a roghnóidh modh a chinntíonn nach bhfuil rochtain ag páistí ar phornagrafaíocht, agus is iad na hardáin a chuirfidh seo i bhfeidhm ar bhealach a chloíonn le RGCS. Modh amháin atá i ndoiciméid agus/nó féinín beo a uaslódáil, nuair atá cosaintí príobháideachais cuí ag gabháil leo.
Ach ní leor iarraidh ar úsáideoir a dhearbhú go bhfuil siad thar 18 mbliana d’aois le stop a chur le páistí rochtain a fháil ar phornagrafaíocht. Is cúis imní forleathan é seo ar fud na hEorpa, agus baineann sé le suíomhanna do dhaoine fásta i mBallstáit eile. Mar sin de, táimid ag obair leis an gCoimisiún Eorpach agus lenár gcomheagraíochtaí ar fud na hEorpa lena chinntiú go bhfuil cur chuige uile-Eorpach i bhfeidhm le tabhairt faoin saincheist seo.
Táimid tiomanta do shábháilteacht ar líne a fheabhsú, mar chuid de thírdhreach rathúil, éagsúil agus sábháilte meán. Cé go bhfuil difear ann idir craoltóir ceadúnaithe a rialú agus ardáin ar líne a rialú, tá an sprioc céanna ann, agus is é sin go bhfuil rochtain ag luchtanna féachana ar ábhar iolraíoch atá ábhartha ó thaobh cultúir de, ó thaobh na teangeolaíochta de agus go sóisialta, agus iad cosanta ó dhíobháil. Táimid dírithe ar ár misean a bhaint amach ar mhaithe le gach duine in Éirinn agus leo siúd ar fud na hEorpa.
