Tá an tuairisc JNLR/Ipsos is déanaí de chuid MRBI maidir le lucht éisteachta raidió in Éirinn foilsithe inniu (07.11.24).
Thar ceann Choiste JNLR tá preaseisiúint do na meáin agus táblaí faisnéise achoimrithe ar fáil le híoslódáil ar ár suíomh (Béarla).
Tá fáilte roimh eagraíochtaí a bhfuil suim acu iarratas a chur isteach roimh an spriocdháta Déardaoin, an 5ú Nollaig.
Inniu (7.11.24) sheol Coimisiún na Meán babhta maoinithe faoina Chlár Foghlama agus Forbartha Earnála. Tá suas le €550,000 san iomlán á chur ar fáil chun tacú le líonraí tionscail agus eagraíochtaí ionadaíocha chun raon gníomhaíochtaí oiliúna agus forbartha a sholáthar an bhliain seo chugainn, 2025.
Is féidir le heagraíochtaí maoiniú a lorg, ar eagraíochtaí iad a oibríonn in earnáil na meán agus a thugann faoi thionscnaimh oiliúna agus forbartha a thacaíonn le tionscail an chraolacháin agus closamhairc agus a thagann le haidhm an Choimisiúin tírdhreach meán a chinntiú atá rathúil, éagsúil, cruthaitheach agus sábháilte. Beidh leibhéil éagsúla maoinithe ar fáil do na hiarratasóirí a roghnófar de réir chineál na ngníomhaíochtaí atá beartaithe, agus a n-ábharthacht i dtaca le hobair an Choimisiúin.
Dúirt Coimisinéir Forbartha na Meán de chuid Choimisiún na Meán, Rónán Ó Domhnaill: “Tá lúcháir ar an gCoimisiún an babhta maoinithe seo a sheoladh faoinár gClár Foghlama agus Forbartha Earnála. Tá forbairt leanúnach oiliúna agus scileanna ríthábhachtach chun inbhuanaitheacht earnáil na meán a chinntiú agus chun cur lena fás, lena héagsúlacht agus lena cruthaitheacht. Tuigimid an ról tábhachtach a imríonn eagraíochtaí agus comhlachtaí ionadaíocha an tionscail chun deiseanna oiliúna agus foghlama a chur ar fáil dóibh siúd a oibríonn san earnáil. Príomhghné dár gcuid oibre is ea tacú le tionscadail ardchaighdeáin den sórt sin, agus táimid ag tnúth go mór le raon leathan tograí a fheiceáil leis an aidhm tírdhreach na meán a shaibhriú agus tacú lena fhorbairt leanúnach.”
I measc na ngrúpaí ar éirigh leo maoiniú a fháil faoin gClár Foghlama agus Forbartha Earnála roimhe seo bhí siad seo a leanas: An Clár Learning Waves do Chéimithe Iriseoireachta, Women in Film and Television, CRAOL – eagraíocht a dhéanann ionadaíocht ar raidió pobail, Cuallacht Scríbhneoirí Éireann, agus Oireachtas na Gaeilge.
Is é an dáta deireanach d’iarratais ar an gClár ná meán lae Déardaoin, 5 Nollaig 2024. Tá na sonraí breise maidir le cáilitheacht agus conas is féidir iarratas a dhéanamh sa treoir agus san fhoirm iarratais.
Beidh feidhm ag rialacha ceangailteacha sábháilteachta ar líne maidir le hardáin comhroinnte físeán bunaithe in Éirinn
Inniu (21.10.2024), d’fhoilsigh Coimisiún na Meán an Cód críochnaithe Sábháilteachta Ar Líne. Leis an gCód leagtar síos rialacha ceangailteacha a bhaineann le hardáin comhroinnte físeán a bhfuil a gceanncheathrú AE acu in Éirinn. Tiocfaidh na hoibleagáidí ginearálta a fhaightear sa Chód i bhfeidhm ón mhí seo chugainn agus beidh tréimhse chur chun feidhme ag na hardáin d’fhoráil áirithe mionsonraithe, a theastaíonn togáil teicneolaíochta, le teacht le chomhlíontacht. Glacfaidh Coimisiún na Meán cur chuige maoirseachta maidir leis an gCód a fhorfheidhmiú, agus é á áirithiú go gcuirfidh ardáin córais iomchuí chun feidhme chun forálacha an Chóid a chomhlíonadh.
Tríd an gCód tugtar oibleagáidí isteach ar ardáin comhroinnte físeán chun daoine, agus leanaí go háirithe, a chosaint ar fhíseáin agus ábhar gaolmhar díobhálach, lena náirítear:
Beidh ar na hardáin sin a áirithiú freisin go gcuirfidh siad bealaí ar fáil do dhaoine chun ábhar lena mbristear na rialacha a thuairisciú, agus go ngníomhóidh siad ar na tuairiscí sin i gcomhréir lena gcuid Téarmaí agus Coinníollacha.
Rinneadh eolas d’fhorbairt an Chóid trí ghlao tosaigh ar ionchuir i samhradh na bliana 2023, agus bhí comhairliúchán poiblí iomlán ann ina dhiaidh sin ó mhí na Nollag 2023 go mí Feabhra 2024, rud a fuair nach mór 1400 freagra. Chuathas i gcomhairle freisin leis an gCoiste Comhairleach Óige de chuid Choimisiún na Meán maidir le forbairt an Chóid. Tugadh fógra don Choimisiún Eorpach faoin gCód ansin faoi phróiseas na Treorach um Chóras Faisnéise um Rialacháin Theicniúla (TRIS) chun ailíniú le Gníomh um Sheirbhísí Digiteacha an Aontais Eorpaigh a áirithiú.
Tá an Cód mar chuid den Chreat foriomlán Sábháilteachta ar Líne de chuid Choimisiún na Meán. Leis an gCreat seo, beidh seirbhísí digiteacha freagrach as an gcaoi a dtugann siad cosaint d’úsáideoirí ar dhíobháil ar líne. Bainfidh an Cód nuashonraithe, agus na codanna eile den Chreat Sábháilteachta ar Líne, cuspóirí an Achta um Shábháilteacht ar Líne agus Rialúchán na Meán amach, rud a fhágfaidh go mbeidh eispéiris níos sábháilte ar líne ag daoine fud fad na hÉireann. Tugtar na huirlisí do Choimisiún na Meán sa Chreat Sábháilteachta ar Líne ina iomláine chun aghaidh a thabhairt ar na bunchúiseanna atá le díobháil ar líne, lena náirítear infhaighteacht an ábhair neamhdhleathaigh, tionchar díobhálach na gcóras molta, agus cosaintí uireasacha le haghaidh páistí ar sheirbhísí na meán sóisialta.
Dúirt An Coimisinéir Sábháilteachta ar Líne, Niamh Hodnett: “Le glacadh an Chóid Sábháilteachta Ar Líne cuirtear deireadh le ré fhéinrialúchán na meán sóisialta. Tríd an gCód, leagtar síos rialacha ceangailteacha atá le leanúint ag ardáin comhroinnte físeán chun an díobháil is féidir leo a dhéanamh d’úsáideoirí a laghdú. Oibreoimid chun deimhin a dhéanamh de go mbeidh daoine ar an eolas faoina gcearta nuair a théann siad ar líne agus tabharfaimid na hardáin chun cuntais agus déanfaimid gníomh nuair nach gcomhlíonann ardáin a noibleagáidí.”
Dúirt Cathaoirleach Feidhmiúcháin Choimisiún na Meán, Jeremy Godfrey: “Le glacadh an Chóid Sábháilteachta Ar Líne, tá na gnéithe uile dár gCreat Sábháilteachta ar Líne i bhfeidhm anois. Díreoimid anois ar an gCreat a chur chun feidhme go hiomlán agus athruithe dearfacha a spreagadh i saol daoine ar líne. Tá an teachtaireacht atá againn do dhaoine soiléir: má thagann tú ar rud éigin is dóigh leat atá mídhleathach nó in aghaidh na rialacha atá ag an ardán féin maidir lena gceadaíonn sé, ba cheart duit é a thuairisciú go díreach don ardán. Tá ár Ionad Teagmhála ar fáil le chomhairle nó treoir a thabhairt do dhaoine má tá cabhair uathu.”
Dúirt an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin TD: “Fáiltím roimh ghlacadh Coimisiún na Meán lena gcéad Chód Sábháilteachta Ar Líne. Ag tógáil ar an mbunsraith atá leagtha amach san Acht um Shábháilteacht ar Líne agus um Rialáil Meán 2022, is céim mhór chun cinn é an cód seo maidir le sábháilteacht ar líne. Tugann sé isteach fíor-chuntasacht maidir le hardáin comhroinnte físeán ar líne agus ceanglaítear orthu beart a dhéanamh chun iad siúd a úsáideann a n-ardáin a chosaint, lena n-áirítear trí nósanna imeachta láidre um láimhseáil gearán a bheith acu agus fíorú aoise éifeachtach a thabhairt isteach. Déanfaidh sé sinn go léir, ach go háirithe ár bpáistí, níos sábháilte ar líne.”
Tá buiséad táscach de €6.4m ar fáil faoin mBabhta seo.
D’oscail Coimisiún na Meán Babhta 54 den Scéim Mhaoinithe Craolacháin Fuaim & Fís inniu (15.10.2024). Cuireann an Coimisiún fáilte roimh iarratais ar mhaoiniú ó chraoltóirí agus léiritheoirí neamhspleácha chun tacú le táirgeadh ábhar craolta atá luachmhar ó thaobh an chultúir de, lena n-áirítear ábhar i nGaeilge.
Tá buiséad táscach de €6.4m ar fáil faoin mBabhta seo. Tagann €1m den mhéid seo mar mhaoiniú ón Státchiste a ghnóthaigh An tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin TD.
Féadfaidh iarratasóirí ionchasacha teacht ar na Treoracha agus Foirmeacha ábhartha do Bhabhta 55 trí na naisc thíos. Ní mór gach iarratas a chur isteach trí www.cnamonline.ie.
Doiciméadú Iarratais Teilifíse
Babhta 55 Treoir Teilifíse d’Iarratasóirí
Babhta 55 Foirm Iarratais Teilifíse
Doiciméadú Iarratais Raidió
Babhta 55 Treoir Raidió d’Iarratasóirí
Babhta 55 Foirm Iarratais Raidió
Dúnfar an Babhta ar 12 meán lae géar ar 28 Samhain 2024.
Reáchtálfaidh an Coimisiún seimineáir ar leith d’iarratasóirí ionchasacha Raidió agus Teilifíse.
Cláraigh anseo le do thoil chun freastal ar sheimineár iarratasóra ag 11rn ar an 22 Deireadh Fómhair 2024.
Sheol Coimisiún na Meán ár Scéimeanna nua Iriseoireachta ar 17ú Iúil 2024 a thacóidh le hearnáil na meán agus leis an iriseoireacht ar ardchaighdeán ar fud na hÉireann.
Tá síneadh ama curtha leis an spriocdháta don Scéim Tuairiscithe Daonlathais Áitiúil, An Scéim Tuairiscithe na gCúirteanna agus na Bearta Coimhdeacha. Is é 3pm, 30 Meán Fómhair an spriocdháta nua.
Le haghaidh níos mó eolais leigh: Seolann Coimisiún na Meán iarratais le haghaidh Scéimeanna nua Iriseoireachta.
Failtíonn Coimisiún na Meán conclúid ar an próiseas Córas Faisnéise na Rialachán Teicniúil (‘TRIS’) maidir leis an gCód Sábháilteacha Ar Líne.
Tugann an Coimisiún faoi deara nach bhfuarthas aon tuarimí faoin gCód ón gCoimisiún Eorpach nó ballstáite AE eile agus tá sé beartaithe againn an gCód Sábháilteacha Ar Líne a chuir i bhfeidhm ar ardáin comhroinnte físeán a bhfuil a gceanncheathrú AE acu in Éirinn san Fhómhar.
Le cúpla seachtain anuas, chonaiceamar ardú ar bhagairtí foréigin ar líne dírithe ar pholaiteoirí, pearsana poiblí, agus ar bhaill dá dteaghlaigh. Bíonn tionchar an-diúltach go deo aige seo orthu siúd a ndírítear na bagairtí orthu agus baineann sé an bonn den daonlathas. Bíonn éifeacht fhuarchúiseach ag mí-úsáid ar líne a bhíonn dírithe ar ionadaithe tofa ar an daonlathas.
Rud mídhleathach é bagairt foréigin a dhéanamh ar líne. Faoi Ghníomh um Sheirbhísí Digiteacha an Aontais, ní mór d’ardáin ar líne bealach a chur ar fáil do dhaoine chun tuairisc a thabhairt ar ábhar a mheasann siad atá mídhleathach. Ní mór d’ardáin freagairt do na tuairiscí sin go caoithiúil agus go díograiseach. Ní mór dóibh a gcuid téarmaí agus coinníollacha féin maidir le hábhar a fhorfheidhmiú go leanúnach.
Níl na cumhachtaí ag Coimisiún na Meán iallach a chur chun ábhar mídhleathach a bhaint anuas d’ardáin ar líne láithreach. Is é an ról atá againne a dhéanamh cinnte go bhfuil córais tuairiscithe ábhair na n-ardán ag obair go héifeachtach i gcomhréir leis an dlí.
Bhuaileamar le Meta faoi na bagairtí a díríodh ar an Taoiseach agus ar a theaghlach. Bhíomar i dteagmháil freisin le hionadaithe ón nGarda Síochána agus an Coimisiún Eorpach faoin eachtra sin. Táimid i mbun measúnaithe anois ar mar atá Meta ag comhlíonadh a gcuid oibleagáidí faoi Ghníomh um Sheirbhísí Digiteacha an Aontais. Beimid ag labhairt arís le Meta chun tuilleadh eolais a fháil uathu faoi na cúinsí inar tharla an eachtra sin agus faoina bhfreagra siúd ar an scéal. Smaoineoimid ar na chéad chéimeanna eile a ghlacfaimid ina dhiaidh sin. Tá raon cumhachtaí ar fáil dúinn faoinár gCreat Sábháilteachta ar Líne, ina gcuimsítear an tAcht um Rialáil Sábháilteachta ar Líne agus na Meán, Gníomh um Sheirbhísí Digiteacha an Aontais agus Rialachán an Aontais maidir le hÁbhar Sceimhlitheoireachta ar Líne.
Tacóidh na Scéimeanna nua Tuairiscithe Daonlathais Áitiúil agus Cúirteanna le hiriseoireacht phoiblí inrochtana d’ardchaighdeán a chruthú
Leithdháileadh €6 mhilliún ar na Scéimeanna Iriseoireachta in 2024
Sheol Coimisiún na Meán ár Scéimeanna nua Iriseoireachta inniu (17.07.2024) a thacóidh le hearnáil na meán agus leis an iriseoireacht ar ardchaighdeán ar fud na hÉireann. Is é aidhm na Scéimeanna an clúdach a dhéantar ar údaráis áitiúla agus ar éisteachtaí na cúirte dúiche agus cuarda a fheabhsú agus bunaíodh iad tar éis moladh a rinneadh i dTuarascáil de chuid Choimisiún um Thodhchaí na Meán.
Cuirfear maoiniú ar fáil freisin le haghaidh tograí iriseoireachta is spéis leis an bpobal i bhfoirm fhada. Sa chomhthéacs sin, beidh maoiniú ar fáil chun cúnamh a thabhairt do sholáthraithe seirbhíse meán píosaí nó sraith fócais dhomhain a dhéanamh faoi réimse leathan saincheisteanna a eascraíonn as an gclúdach ar na húdaráis áitiúla/fóraim dhaonlathacha eile nó a eascraíonn as clúdach ar na cúirteanna nó ábhair ghaolmhara.
Leithdháileadh €6 mhilliún ar na Scéimeanna Iriseoireachta in 2024 a bhuíochas le mhaoiniú a d’éirigh leis an Aire Turasóireachta, Cultúir, Ealaíon, Gaeltachta, Spóirt agus Meán, Catherine Martin TD, a bhaint amach. Cumhdaítear leis an maoiniú sin deontais agus costais riaracháin na Scéime.
Beidh na Scéimeanna nua Iriseoireachta oscailte d’iarratais ó iriseoirí agus ó eagraíochtaí meán, lena n-áirítear ardáin chraolta, chlóite agus ar líne, i nGaeilge agus i mBéarla araon. Le bheith incháilithe, iarrfar ar iarratasóirí saineolas, cumas agus cuntas teiste eagarthóireachta a léiriú, agus ní mór freisin gur eintiteas rialáilte iad, nó ní mór dóibh a bheith cleamhnaithe le heintiteas rialáilte.
Ag trácht dó ar sheoladh na Scéimeanna Iriseoireachta, dúirt Rónán Ó Domhnaill, Coimisinéir Forbartha na Meán ag Coimisiún na Meán: “Tá ríméad orainn a bheith ag seoladh ár Scéimeanna Iriseoireachta tuairiscithe daonlathais áitiúil agus cúirteanna. Seo é an chéad deis atá ag Coimisiún na Meán tacaíocht dhíreach a thairiscint chun iriseoireacht iontaofa d’ardchaighdeán a chur chun cinn do phobail áitiúla ar fud na hÉireann agus é sin a dhéanamh ar bhonn ardáin-neodraigh. Seo é an chéad uair ar féidir tacú le soláthraithe nuachta clóite agus ar líne ar an mbealach seo.”
“Tá na Scéimeanna nua seo á dtabhairt isteach ar bhonn píolótach agus déanfar athbhreithniú orthu ina dhiaidh sin, agus beidh an t-aiseolas a gheofar agus rannpháirtíocht na bpáirtithe leasmhara fíorthábhachtach d’fhorbairt aon tionscnaimh agus scéimeanna maoinithe amach anseo. Molaimid do gach iarratasóir incháilithe iarratas a dhéanamh ar mhaoiniú agus táimid ag tnúth le haiseolas a fháil ar chur i bhfeidhm na Scéimeanna nua seo.”
Dúirt an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin TD: “Cuirim fáilte mhór roimh sheoladh na Scéimeanna Tuairiscithe Cúirteanna agus Daonlathais Áitiúil ag Coimisiún na Meán inniu. Tá earnáil meáin láidir, éagsúil agus saor, a bhfuil nuacht áitiúil agus réigiúnach ina cuid ríthábhachtach de, riachtanach don daonlathas agus dár sochaí ina hiomláine. Tá na Scéimeanna ina n-imeacht nua ag an Stát chun tacú le hiriseoireacht chun leasa an phobail ag am a bhfuil iriseoireacht thraidisiúnta faoi bhrú.
Cabhróidh an €6m a fuair mé i mBuiséad 2024, ar mhaithe leis na Scéimeanna nua, le tacú le hiriseoireacht ardchaighdeáin neamhspleách chun leasa an phobail a sholáthraíonn seirbhís riachtanach don phobal chomh maith le hiolrachas, inbhuanaitheacht agus sláine ár meán.”
Cuirfear an t-ábhar ar fad a mhaoineofar ar fáil in aisce don phobal, 7 lá ar a laghad tar éis é a fhoilsiú den chéad uair, agus uaslódálfaidh Coimisiún na Meán é ar a shuíomh gréasáin, .
Tagann seoladh na Scéimeanna i ndiaidh comhairliúcháin phoiblí i mí Aibreáin na bliana seo, agus tarraingíodh aird in go leor aighneachtaí a rinneadh chuig an gcomhairliúchán ar thábhacht na Scéimeanna chun daonlathas sláintiúil a chothú, eolas a thabhairt do shaoránaigh agus iad a dhéanamh rannpháirteach. Léiríodh sna freagraí freisin go raibh na freagróirí sásta ar an iomlán leis an gcur chuige a mhol an Coimisiún.
Iarrann Coimisiún na Meán anois ar iarratasóirí iarratas a dhéanamh ar mhaoiniú faoi na Scéimeanna nua Iriseoireachta píolótacha. Is féidir na Treoir d’Iarratasóirí a fháil anseo:
• An Scéim Tuairiscithe Daonlathais Áitiúil (Béarla)
• An Scéim Tuairiscithe Daonlathais Áitiúil (Gaeilge)
• Scéim Tuairiscithe na gCúirteanna (Béarla)
• Scéim Tuairiscithe na gCúirteanna (Gaeilge)
Is é 12.00, an 17 Meán Fómhair 2024 an dáta deiridh a nglacfar le hiarratais chomhlánaithe don dá Scéim. Is féidir na foirmeacha iarratais a fháil anseo:
• An Scéim Tuairiscithe Daonlathais Áitiúil – Foirm Iarratais (Béarla)
• An Scéim Tuairiscithe Daonlathais Áitiúil – Foirm Iarratais (Gaeilge)
• An Scéim Tuairiscithe Daonlathais Áitiúil – Beart Coimhdeach (Béarla)
• An Scéim Tuairiscithe Daonlathais Áitiúil – Beart Coimhdeach (Gaeilge)
• Scéim Tuairiscithe na gCúirteanna – Foirm Iarratais (Béarla)
• Scéim Tuairiscithe na gCúirteanna – Foirm Iarratais (Gaeilge)
• Scéim Tuairiscithe na gCúirteanna – Beart Coimhdeach (Béarla)
• Scéim Tuairiscithe na gCúirteanna – Beart Coimhdeach (Gaeilge)
Is féidir tuilleadh eolais a fháil faoi na Scéimeanna ar ár suíomh gréasáin anseo.
D’fhoilsigh Coimisiún na Meán, i gcomhpháirtíocht le Scoil Dlí Choláiste na Tríonóide, aiste maidir le rialáil meán an AE a d’ullmhaigh an mac léinn is fearr atá ag tabhairt faoin modúl Rialáil Meán an AE, mar chuid den chlár iarchéime, Máistir Dlíthe, i gColáiste na Tríonóide. Dearadh an tionscnamh chun díospóireacht phoiblí faoi bheartas agus cleachtas na meán a chur chun cinn. ‘Balancing Counter-Propaganda Measures with Safeguarding Freedom of Expression and Information Amidst the Russia-Ukraine Conflict’ an teideal atá ar an aiste a bhuaigh in 2024. Victoire Nataf a scríobh an aiste agus an Dr Ewa Komorek, ollamh taca cúnta, Coláiste na Tríonóide, a chuir in eagar.
Fáiltímid roimh Bhreithiúnas na Cúirte agus dearbhú ár sonraithe go mbeidh Reddit agus Tumblr ina Seirbhísí Ardáin Comhroinnte Físeán. Táimid ag obair i gcónaí ar ár ndréacht-Chód Sábháilteachta Ar Líne agus táimid ag súil go mbeidh sé i bhfeidhm níos déanaí i mbliana, mar chuid dár gCreat Sábháilteachta Ar Líne. Táimid tiomanta dár réimse iomlán cumhachtaí a úsáid chun feabhas a chur ar an tsábháilteacht ar líne d’úsáideoirí in Éirinn agus ar fud na hEorpa.
