Category: Uncategorized @ga

Bíonn Lá na Sábháilteachta Idirlín ar siúl gach Feabhra chun feasacht a ardú ar idirlíon níos sábháilte agus níos fearr do chách, agus go háirithe do leanaí agus do dhaoine óga.

Is é 6 Feabhra 2024 an 21ú bliain de Lá na Sábháilteachta Idirlín, agus an chéad Lá na Sábháilteachta Idirlín ó bunaíodh Coimisiún na Meán agus ceapadh an chéad Choimisinéir um Shábháilteacht Ar Líne in Éirinn, Niamh Hodnett. I mbliana, tá Coimisiún na Meán ag tacú le feachtas Webwise ar an téama ‘Teicneolaíocht inár ndomhan’, ag fiosrú tuairimí daoine óga ar ról na teicneolaíochta ina saol, athruithe atá tagtha chun cinn le déanaí agus forbairtí teicneolaíochta agus athruithe ba mhaith le daoine óga a fheiceáil.

Dúirt an Coimisinéir Sábháilteachta Ar Líne Niamh Hodnett:

“Tá lúcháir orm tacú le Lá na Sábháilteachta Idirlín na bliana seo, ar deis iontach é machnamh a dhéanamh ar an obair atá á déanamh ar fud an domhain chun domhan ar líne níos sábháilte a chruthú, go háirithe do leanaí. Tá muidne ag Coimisiún na Meán réidh lenár bpáirt a ghlacadh trínár gCreat Sábháilteachta Ar Líne a chur i bhfeidhm, mar chuid de Líonra Domhanda na Rialtóirí Sábháilteachta Ar Líne agus lenár gcomhghleacaithe i mBallstáit eile an AE tríd an mBord Eorpach um Sheirbhísí Digiteacha. Ó thosaigh mé ar mo ról i mí an Mhárta anuraidh, chuala mé ó raon leathan grúpaí a dhéanann ionadaíocht ar leanaí agus daoine óga, lena n-áirítear ár gCoiste Comhairleach Óige féin, agus táimid ag tnúth le tionchar dearfach a imirt ar a son.”

Tá Coimisiún na Meán ag cur a Chreat Sábháilteachta Ar Líne i ngníomh in 2024. Cuirfidh sé seo deireadh le ré an fhéinrialaithe agus beidh ardáin ar líne cuntasach as an gcaoi a gcoimeádann siad a n-úsáideoirí, go háirithe leanaí, sábháilte ar líne. Tiocfaidh píosaí éagsúla reachtaíochta le chéile chun an creat foriomlán sábháilteachta ar líne seo a fhoirmiú:

• An tAcht um Rialáil Sábháilteachta ar Líne agus na Meán, 2022, an bonn do Chód Sábháilteachta Ar Líne an Choimisiúin
• An Treoir um Sheirbhísí Meán Closamhairc ón AE
• An tAcht um Sheirbhísí Digiteacha an AE (infheidhmithe go hiomlán ón 17 Feabhra 2024)
• An Rialachán AE um Ábhar Sceimhlitheoireachta Ar Líne

Leanann Coimisiún na Meán de bheith ag tacú le Litearthacht sna Meáin, Éire agus leis an bhFeachtas Bíodh Tuiscint Agat Ar Na Meáin, lena chinntiú go bhfuil na scileanna agus an mhuinín ag gach duine in Éirinn chun rochtain a fháil ar fhaisnéis ar líne, chun tuiscint a fháil ar an gcaoi a n-oibríonn seirbhísí digiteacha agus chun na rioscaí ar féidir le daoine aghaidh a thabhairt orthu ar líne a bhainistiú.

Comhordaíonn Ionad Idirlín Níos Sábháilte, Éire, Lá na Sábháilteachta Idirlín. Is comhpháirtíocht é idir Webwise, ISPCC, Comhairle Náisiúnta na dTuismitheoirí Bunscoile agus Hotline.ie, a sholáthraíonn raon seirbhísí sábháilteachta comhlántacha ar líne, lena n-áirítear ionad oideachais agus feasachta, línte cabhrach do leanaí agus do thuismitheoirí, agus beolíne. Comhordaíonn an Roinn Dlí agus Cirt an tIonad agus cómhaoiníonn an tAontas Eorpach é.

Cóip de litir a sheol an Cathaoirleach Feidhmiúcháin Jeremy Godfrey chuig eagarthóir an Irish Times ar 25 Eanáir.

Tugann colún teicneolaíochta Karlin Lillington ón 25 Eanáir drochléiriú ar mholtaí Choimisiún na Meán maidir leis na bearta fíoraithe aoise atá in úsáid ag ardáin chomhroinnte físeán.

Cuireann sí ina leith go bhfuilimid ag moladh clár d’úsáideoirí pornagrafaíochta a chruthú agus ag maíomh ar líne, gan bhunús, go mbeadh ar dhaoine a ndoiciméid aitheantais agus scanadh aghaidhe a uaslódáil, agus go gcoimeádfadh suíomhanna pornagrafaíochta an fhaisnéis seo ar feadh sé bliana. Maíonn sí go fiú go bhféadfadh go mbeadh ar dhaoine nach bhfuil ach ag iarraidh féachaint ar fhíseáin de chait seo a dhéanamh freisin.

Deir sí go mbeadh a leithéid de mholadh ar mire glan. Aontaímid. Agus sin an chúis nach ndearnamar breith air ná a mholadh.

Tá neart fianaise ann den dochar a dhéanann rochtain éasca ar phornagrafaíocht ar líne do pháistí, ach níor mhór do bhearta a laghdaíonn an rochtain seo meas a léiriú ar phríobháideachas úsáideoirí agus ba chóir dóibh a laghad cur isteach agus is féidir a dhéanamh ar chumas daoine fásta breathnú ar ábhar atá dleathach.

Tá comhairliúchán ar bun ag Coimisiún na Meán maidir le dréacht de Chód Sábháilteachta ar Líne le haghaidh ardáin chomhroinnte físeán, lena n-áirítear bearta fíoraithe aoise. An moladh atá againn ná nár chóir d’ardáin chomhroinnte físeán lonnaithe in Éirinn ábhar pornagrafaíochta a thaispeáint d’úsáideoirí d’aon turas, ach amháin sa chás go bhfuil sé deimhnithe acu go bhfuil an t-úsáideoir ina dhuine fásta.

Ní cheadaíonn an chuid is mó d’ardáin in Éirinn pornagrafaíocht, agus ní bheidh impleachtaí ag an moladh seo dóibh nó dá n-úsáideoirí. Ní bheadh ach ar ardáin a cheadaíonn pornagrafaíocht aois a n-úsáideoirí atá ag iarraidh breathnú uirthi a fhíorú. Ní bheadh ar úsáideoirí nach bhfuil suim acu ach i bhfíseáin de chait a n-aois a fhíorú.

Nílimid ag moladh go mbeimid forordaitheach maidir leis an modh fíoraithe aoise a bheidh in úsáid ag ardáin sula dtaispeántar ábhar pornagrafaíochta d’úsáideoirí. Is iad na hardáin a roghnóidh modh a chinntíonn nach bhfuil rochtain ag páistí ar phornagrafaíocht, agus is iad na hardáin a chuirfidh seo i bhfeidhm ar bhealach a chloíonn le RGCS. Modh amháin atá i ndoiciméid agus/nó féinín beo a uaslódáil, nuair atá cosaintí príobháideachais cuí ag gabháil leo.

Ach ní leor iarraidh ar úsáideoir a dhearbhú go bhfuil siad thar 18 mbliana d’aois le stop a chur le páistí rochtain a fháil ar phornagrafaíocht. Is cúis imní forleathan é seo ar fud na hEorpa, agus baineann sé le suíomhanna do dhaoine fásta i mBallstáit eile. Mar sin de, táimid ag obair leis an gCoimisiún Eorpach agus lenár gcomheagraíochtaí ar fud na hEorpa lena chinntiú go bhfuil cur chuige uile-Eorpach i bhfeidhm le tabhairt faoin saincheist seo.

Táimid tiomanta do shábháilteacht ar líne a fheabhsú, mar chuid de thírdhreach rathúil, éagsúil agus sábháilte meán. Cé go bhfuil difear ann idir craoltóir ceadúnaithe a rialú agus ardáin ar líne a rialú, tá an sprioc céanna ann, agus is é sin go bhfuil rochtain ag luchtanna féachana ar ábhar iolraíoch atá ábhartha ó thaobh cultúir de, ó thaobh na teangeolaíochta de agus go sóisialta, agus iad cosanta ó dhíobháil. Táimid dírithe ar ár misean a bhaint amach ar mhaithe le gach duine in Éirinn agus leo siúd ar fud na hEorpa.

Tar éis breis agus tríocha bliain ag obair i rialáil na meán, tá cinneadh déanta ag Celene Craig gan téarma iomlán cúig bliana a lorg mar Choimisinéir Craolacháin agus Físeáin ar Éileamh nuair a rachaidh a téarma reatha in éag i mí an Mhárta i mbliana.

Cheap an tAire, Catherine Martin, Celene, a bhí ina Príomhfheidhmeannach Údarás Craolacháin na hÉireann, ina Coimisinéir Craolacháin agus Físeáin ar Éileamh ar feadh buntéarma bliana nuair a bunaíodh Coimisiún na Meán i mí an Mhárta 2023, faoi fhorálacha an Achta um Rialáil Sábháilteachta ar Líne agus na Meán, 2022.

Cuirfear deireadh le téarma Celene mar Choimisinéir an 15 Márta 2024. Tá ról an Choimisinéara Craolacháin agus Físeáin ar Éileamh á fhógairt anois ag an Roinn Turasóireachta, Cultúir, Ealaíon, Gaeltachta, Spóirt agus Meán. Is í an tSeirbhís um Cheapacháin Phoiblí a reáchtálann an próiseas earcaíochta. Ba chóir aon cheisteanna breise faoin bpróiseas a chur chuig an Roinn nó chuig an tSeirbhís um Cheapacháin Phoiblí.

Dúirt Jeremy Godfrey, Cathaoirleach Feidhmiúcháin Choimisiún na Meán:

“Tá Celene ina crann taca ar rialáil na meán in Éirinn le breis agus tríocha bliain anuas. Le linn a gairmréime, chuir sí go mór le forbairtí reachtaíochta agus beartais san earnáil in Éirinn agus san Eoraip. Le bliain anuas, bhí sí go fial ag roinnt a cuid eolais dhosháraithe ar thírdhreach na meán agus muid tar éis an t-aistriú ó Údarás Craolacháin na hÉireann go Coimisiún na Meán a dhéanamh. Cronóidh na Coimisinéirí eile agus mé féin, chomh maith lenár gcomhghleacaithe go léir ag Coimisiún na Meán, a nádúr gnaíúil, cairdiúil. Guímid gach rath uirthi don todhchaí.”

Seo mar a labhair Celene Craig, Coimisinéir Craolacháin agus Físeáin ar Éileamh:

“I ndiaidh gairmréim thar a bheith taitneamhach ag Coimisiún na Meán, Údarás Craolacháin na hÉireann (BAI), Coimisiún Craolacháin na hÉireann (BCI) agus an Coimisiún um Raidió agus Teilifís Neamhspleách (IRTC), tá cinneadh déanta agam seasamh siar ó ról an Choimisinéara Craolacháin agus Físeáin ar Éileamh. Bhí sé de phribhléid agam obair ar thús cadhnaíochta in earnáil na meán atá ag athrú ó bhonn ar leibhéal na hÉireann agus ar leibhéal na hEorpa araon.  Le blianta beaga anuas, bhain mé an-sásamh as cur le creat rialála nua sábháilteachta ar líne na hÉireann a mhúnlú agus as an BAI a threorú isteach sa chomhlacht rialála nua.  Bhí sé de phribhléid agam páirt a ghlacadh le mo chomh-choimisinéirí agus mo chomhghleacaithe i mbunú agus in oibríochtú Choimisiún na Meán sa chéad bhliain spreagúil den bhunú.  Molaim a ngairmiúlacht, a ndíograis agus a dtiomantas do na tascanna atá idir lámha agus guím gach rath orthu ina gcuid oibre amach anseo. Táim ag súil go mór leis An Coimisiún a fheiceáil ag fás agus ag forbairt sna blianta amach romhainn agus ag soláthar tírdhreach na meán atá éagsúil, rathúil agus sábháilte.”

CRÍOCH

Inniu (09.01.24) d’fhoilsigh Coimisiún na Meán, comhlacht nua na hÉireann um rialáil craoltóirí, seirbhísí ar éileamh, agus na meán ar líne, agus um thacú le forbairt na meán, sonraí  a bhaineann le hainmniúchán deich seirbhís mar sheirbhísí ainmnithe ardáin comhroinnte físeán.  

Críochnaíodh an próiseas ainmniúcháin do na seirbhísí seo le linn mhí na Nollag 2023. 

Is iad seo a leanas na seirbhísí ainmnithe: 

• Facebook 
• Instagram 
• YouTube 
• Udemy 
• TikTok 
• LinkedIn 
• X 
• Pinterest 
• Tumblr 

• Reddit 

Is féidir an dréacht-Chód Sábháilteachta Ar Líne, atá faoi réir comhairliúchán poiblí faoi láthair, a chur i bhfeidhm ar na seirbhísí seo. Beidh an Cód deiridh mar chuid de chreat foriomlán sábháilteachta ar líne na hÉireann. Leis an gcreat sin, beidh réimse seirbhísí ar líne freagrach go dlíthiúil as an gcaoi a gcoimeádann siad daoine sábháilte ar líne. Tá an creat sin bunaithe ar an Acht um Rialáil Sábháilteachta ar Líne agus na Meán, 2022, ar Acht an Aontais Eorpaigh um Sheirbhísí Digiteacha agus ar Rialachán an AE maidir le hÁbhar Sceimhlitheoireachta ar Líne. 

CRÍOCH 

Teagmhálaí do na meáin: Joanne Ahern/ Síona Cahill, DHR Communications, Teil: 087-9881837/ 087-7530255 

Gach ceist eile: Coimisiún na Meán, 01-6441200. 

Maidir le Coimisiún na Meán: 

Coimisiún nua na hÉireann chun craoltóirí, seirbhísí ar éileamh agus na meáin ar líne a rialáil, agus chun tacú le forbairt na meán is ea Coimisiún na Meán. Bunaíodh é i mí an Mhárta 2023 faoin Acht um Rialáil Sábháilteachta Ar Líne agus na Meán, 2022, agus tógann sé ar obair a réamhtheachtaí, Údarás Craolacháin na hÉireann. Tá sé freagrach as tírdhreach rathúil agus éagsúil meán a chinntiú agus a choinneáil ar bun in Éirinn a éascaíonn meascán guthanna, tuairimí agus foinsí nuachta agus cúrsaí reatha, chomh maith le timpeallacht ar líne atá sábháilte. 

Is iad seo a leanas a chuid freagrachtaí: 

• Maoirseacht a dhéanamh ar mhaoiniú earnáil na meán i gcoitinne in Éirinn agus tacú le forbairt na hearnála sin. 
• Maoirseacht a dhéanamh ar rialáil seirbhísí craolacháin agus físeáin ar éileamh. 
• Córas rialála na hÉireann maidir le sábháilteacht ar líne a fhorbairt agus a fhorfheidhmiú. 

Maidir le hainmniúchán: 

Faoin Acht um Rialáil Sábháilteachta Ar Líne agus na Meán, 2022, tá Coimisiún na Meán freagrach as ardáin comhroinnte físeán a bhfuil a mbunáit AE acu in Éirinn a rialáil.  

De réir an dlí, ceanglaítear ar Choimisiún na Meán seirbhísí ardáin comhroinnte físeán, a bhfuil a soláthraí faoi dhlínse an Stáit, a ainmniú mar chatagóir seirbhísí a bhféadfar cód sábháilteachta ar líne a chur i bhfeidhm orthu. Foilsíodh fógra faoin ainmniú sin ar an 14 Lúnasa 2023 agus tháinig an t-ainmniú i bhfeidhm ar an 11 Meán Fómhair 2023. Ní mór do Choimisiún na Meán freisin aon seirbhís ábhartha ar líne a ainmniú mar sheirbhís ainmnithe a dhealraíonn a bheith ina Sheirbhís Ardáin Comhroinnte Físeán i gcás ina bhfuil soláthraí na seirbhíse sin faoi dhlínse an Stáit.  

D’fhógair Coimisiún na Meán conarthaí craoltóireachta fuaime nua do sheirbhísí raidió formáide leithne áitiúla a fhreastalaíonn ar éisteoirí sna contaetha seo a leanas: Gaillimh, an Lú agus an Mhí, Maigh Eo, Port Láirge agus an Clár. 

• Galway Bay FM  
• LMFM 
• Midwest Radio  
• WLR FM  
• Clare FM 

Shínigh gach craoltóir thuas conarthaí nua deich mbliana idir mí Lúnasa agus mí na Nollag 2023, i ndiaidh próiseas ceadúnaithe a thosaigh réamhtheachtaí an Choimisiúin, Údarás Craolacháin na hÉireann.    

Dúirt an Coimisinéir Craoltóireachta, Celene Craig, an méid seo a leanas: “Tá ríméad ar Choimisiún na Meán conarthaí nua deich mbliana a dhéanamh leis na craoltóirí seo, atá i ndiaidh a bheith ag soláthar réimse éagsúil ábhair áitiúil ar ardchaighdeán dá n-éisteoirí ina gcuid réimsí saincheadúnais faoi seach, ábhar a chuireann siamsaíocht agus faisnéis ar fáil. Guím gach rath ar gach stáisiún le linn a dtéarma conartha nua.” 

“Tá an Coimisiún tiomanta do chabhrú le héagsúlacht seirbhísí agus réimse roghanna seirbhíse a choimeád d’éisteoirí raidió ar fud na hÉireann agus táimid ag súil le leanúint ar aghaidh lenár ngníomhaíochtaí ceadúnaithe san athbhliain.” 

CRÍOCH 

Teagmhálaí Meán Coimisiún na Meán: Síona Cahill / Joanne Ahern, DHR Communications. Teil: 087-753 0255 / 087-9881837 

Nótaí d’Eagarthóirí 

• Tá Galway Bay FM á oibriú ag Western Community Broadcasting Services Limited agus rinne sé a chonradh nua a shíniú ar an 10 Lúnasa 2023. 
• Tá LMFM á oibriú ag Independent Broadcasting Corporation Limited agus rinne sé a chonradh nua a shíniú ar an 16 Deireadh Fómhair 2023. 
• Tá Midwest Radio á oibriú ag County Mayo Radio Limited agus rinne sé a chonradh nua a shíniú ar an 23 Deireadh Fómhair 2023. 
• Tá WLR FM á oibriú ag South East Broadcasting Company Limited agus rinne sé a chonradh nua a shíniú ar an 6 Nollaig 2023. 
• Tá Clare FM á oibriú ag Clare Community Radio Holdings Plc agus rinne sé a chonradh nua a shíniú ar an 19 Nollaig 2023. 

Maidir le Coimisiún na Meán: 

Coimisiún nua na hÉireann chun craoltóirí, seirbhísí ar éileamh agus na meáin ar líne a rialáil, agus chun tacú le forbairt na meán is ea Coimisiún na Meán. Bunaíodh é i mí an Mhárta 2023 faoin Acht um Rialáil Sábháilteachta agus Meán Ar Líne 2022, agus tógann sé ar obair a réamhtheachtaí, Údarás Craolacháin na hÉireann. Tá sé freagrach as tírdhreach rathúil agus éagsúil meán a chinntiú agus a choinneáil ar bun in Éirinn a éascaíonn meascán guthanna, tuairimí agus foinsí nuachta agus cúrsaí reatha, chomh maith le timpeallacht shábháilte ar líne. Is iad seo a leanas a chuid freagrachtaí: 

• Maoirseacht a dhéanamh ar rialáil seirbhísí craolacháin agus físeáin ar éileamh. 
• Maoirseacht a dhéanamh ar mhaoiniú earnáil na meán i gcoitinne in Éirinn agus tacú le forbairt na hearnála sin. 
• Córas rialála na hÉireann maidir le sábháilteacht ar líne a fhorbairt agus a fhorfheidhmiú. 

Is eol do Choimisiún na Meán go bhfuil tús curtha ag an gCoimisiún Eorpach le himeachtaí foirmiúla i gcoinne X as sáruithe féideartha ar An Gníomh um Sheirbhísí Digiteacha (DSA). Cuirfidh Coimisiún na Meán cúnamh ar fáil don Choimisiún Eorpach san imscrúdú seo.

Cuirfidh Coimisiún na Meán an DSA in Éirinn i bhfeidhm ón 17 Feabhra 2024, nuair a thiocfaidh an reachtaíocht i bhfeidhm go hiomlán agus cumhachtaí foirmiúla an Choimisiúin de réir mar a thosaíonn Comhordaitheoir Seirbhísí Digiteacha na hÉireann. Beidh forfheidhmiú an Choimisiúin ar an DSA mar chuid de chreat foriomlán sábháilteachta ar líne na hÉireann, in éineacht leis an dréacht-Chóid um Shábháilteacht ar Líne, atá ar fáil le haghaidh comhairliúcháin agus le Rialachán an AE maidir le hÁbhar Sceimhlitheoireachta ar Líne.

Faoin DSA, roinntear an fhreagracht as maoirseacht a dhéanamh ar Ardáin an-Mhór ar Líne agus ar Innill Chuardaigh idir an Coimisiún Eorpach agus rialtóir an Bhallstáit ina bhfuil a cheanncheathrú san Aontas ag an tseirbhís. Tá a gceanncheathrú in Éirinn ag trí cinn déag de na naoi nArdán An-Mhór ar Líne agus Innill Chuardaigh a ainmníodh go dtí seo, X san áireamh. Tá Coimisiún na Meán ag obair go dlúth leis an gCoimisiún Eorpach agus le rialtóirí Eorpacha eile chun ullmhú don DSA.

CRÍOCH

Teagmháil do na meáin: Joanne Ahern, DHR Communications, Teil: 087-9881837, Ríomhphost: media.cnam@dhr.ie.

Gach ceist eile: Coimisiún na Meán, 01-6441200.

Faoi Coimisiún na Meán:

Is é Coimisiún na Meán coimisiún nua na hÉireann chun craoltóirí, seirbhísí ar-éileamh agus na meáin ar líne a rialáil, agus chun tacú le forbairt na meán. Bunaithe i mí an Mhárta 2023 faoin Acht um Shábháilteacht ar Líne agus um Rialáil Meáin 2022, tógann sé ar obair a réamhtheachtaí, Údarás Craolacháin na hÉireann. Tá sé freagrach as tírdhreach meán rathúil agus éagsúil na hÉireann a chinntiú agus a chothabháil a éascaíonn meascán de ghuthanna, tuairimí agus foinsí nuachta agus cúrsaí reatha, chomh maith le timpeallacht shábháilte ar líne.

Is iad a fhreagrachtaí ná:

• Maoirseacht a dhéanamh ar mhaoiniú earnáil na meán níos leithne in Éirinn agus tacú lena forbairt.
• Maoirseacht a dhéanamh ar rialáil seirbhísí craolacháin agus físeáin ar éileamh.
• Córas rialála na hÉireann a fhorbairt agus a fhorfheidhmiú maidir le sábháilteacht ar líne.

Úpaí a dhéanann ionadaíocht ar leanaí agus ar dhaoine óga chun ionchur a chur ar fáil i ndréachtchomhairliúchán an Chóid um Shábháilteacht ar Líne

Reáchtáil Coimisiún na Meán, comhlacht nua na hÉireann um rialáil craoltóirí, seirbhísí ar éileamh, agus na meáin ar líne, agus tacú le forbairt na meán, an chéad chruinniú inniu (19.12.23) dá Choiste Comhairleach Óige nua.

Bunaíodh an Coiste chun cúnamh agus comhairle a thabhairt do Choimisiún na Meán i ndáil lena fheidhmeanna sábháilteachta ar líne agus le nithe eile. Tá ionadaithe ann faoi láthair ó naoi ngrúpa óige náisiúnta agus 9 nduine óga aonair faoi bhun 25 bliana d’aois. Beidh an Coimisiún ag dul i gcomhairle leis an gCoiste ar an dréacht-Chóid um Shábháilteacht ar Líne agus ar ábhair threoracha ghaolmhara, a cuireadh ar fáil le haghaidh comhairliúcháin phoiblí ar an 8 Nollaig seo caite. Leagtar amach sa Dréachtchód bearta sonracha a mbeidh sé d’oibleagáid ar ardáin comhroinnte físeán a chur chun feidhme chun a n-úsáideoirí, go háirithe leanaí, a choinneáil sábháilte ar líne. Áirítear leis sin leanaí a chosaint ar ábhar díobhálach, amhail cibearbhulaíocht; ábhar ar líne a chuireann neamhord beathaithe nó ithe chun cinn nó a spreagann neamhord beathaithe nó itheacháin; agus ábhar ar líne lena ndéantar féindíobháil nó féinmharú a chur chun cinn nó a spreagadh chomh maith le hábhar neamhdhleathach amhail gríosú chun fuatha nó foréigean, ábhar mí-úsáide gnéasaí leanaí agus comhroinnt íomhánna dlúthphearsanta neamhthoiliúla.

Dúirt Niamh Hodnett, an Coimisinéir um Shábháilteacht ar Líne: “Beidh seirbhísí ar líne freagrach as an gcaoi a gcosnaíonn siad a n-úsáideoirí lenár gcreat sábháilteachta ar líne. Is féidir le daoine óga tairbhe ollmhór a bhaint as a bheith ar líne, ach is féidir leo teacht ar raon leathan d’ábhar díobhálach nó d’iompar díobhálach freisin.

“Agus cosaintí ar líne á gcur i bhfeidhm do leanaí agus do dhaoine óga, tá sé tábhachtach a n-eispéiris a chloisteáil ar líne agus a dtuairimí faoin méid atá á mholadh againn a chloisteáil. Tá sé ríthábhachtach go gcloisimid go díreach ó dhúchas digiteach chun a chinntiú go gcuideoidh na bearta a chuireamar i bhfeidhm faoin gcéad Chód Sábháilteachta ar Líne le timpeallacht níos sábháilte ar líne a chruthú do leanaí agus do dhaoine óga. Táimid ag tnúth le dul i dteagmháil leis an gCoiste Comhairleach don Óige agus lena n-ionchur a fháil sna rialacha tábhachtacha seo.”

Agus an Coiste Comhairleach Óige á bhunú aige, thug Coimisiún na Meán cuireadh d’eagraíochtaí a dhéanann ionadaíocht ar leanaí agus ar dhaoine óga faoi bhun 25 bliana d’aois ionadaí a ainmniú chun dul isteach sa Choiste agus mar bhall óige. Is iad seo a leanas na heagraíochtaí atá ar an gCoiste tionscnaimh:

• Belong To
• An Chomhghuaillíocht um Chearta Leanaí
• CyberSafeKids
• Gluaiseacht Taistealaithe na hÉireann
• ISPCC
• Comhairle Náisiúnta na dTuismitheoirí
• Comhairle Náisiúnta na nÓg
• spunout
• Webwise

Dúirt an tUasal Hodnett an méid seo a leanas: “Agus an chéad choiste comhairleach don óige á bhunú, bhíomar ag iarraidh tuairimí agus taithí réimse leathan leanaí agus daoine óga a chur in iúl. Tá áthas orainn leis an ngrúpa ionadaíoch atá againn anois. Táimid oscailte i gcónaí d’éisteacht ó eagraíochtaí eile a dhéanann ionadaíocht ar dhaoine óga ar spéis leo dul isteach sa Choiste agus rannchuidiú lena chuid oibre.”

Tiocfaidh an Coiste le chéile arís i mí Eanáir chun an dréacht-Chóid Sábháilteachta ar líne agus na dréacht-ThreoirÁbhair a phlé.

CRÍOCH

Teagmháil do na meáin: Joanne Ahern, DHR Communications, Teil: 087-9881837, Ríomhphost: media.cnam@dhr.ie.

Gach ceist eile: Coimisiún na Meán, 01-6441200.

Faoi Coimisiún na Meán:

Is é Coimisiún na Meán coimisiún nua na hÉireann chun craoltóirí, seirbhísí ar-éileamh agus na meáin ar líne a rialáil, agus chun tacú le forbairt na meán. Bunaithe i mí an Mhárta 2023 faoin Acht um Shábháilteacht ar Líne agus um Rialáil Meáin 2022, tógann sé ar obair a réamhtheachtaí, Údarás Craolacháin na hÉireann. Tá sé freagrach as tírdhreach meán rathúil agus éagsúil na hÉireann a chinntiú agus a chothabháil a éascaíonn meascán de ghuthanna, tuairimí agus foinsí nuachta agus cúrsaí reatha, chomh maith le timpeallacht shábháilte ar líne.

Is iad a fhreagrachtaí ná:

• Maoirseacht a dhéanamh ar mhaoiniú earnáil na meán níos leithne in Éirinn agus tacú lena forbairt.
• Maoirseacht a dhéanamh ar rialáil seirbhísí craolacháin agus físeáin ar éileamh.
• Córas rialála na hÉireann a fhorbairt agus a fhorfheidhmiú maidir le sábháilteacht ar líne.

Maidir leis an gCoiste Comhairleach um an Óige

Foráiltear in Alt 19 den Acht um Shábháilteacht agus Rialáil na Meán ar Líne 2022 nach mór do Choimisiún na Meán Coiste Comhairleach Óige a bhunú laistigh de bhliain amháin ó bunaíodh é. Áirítear ar an gCoiste ionadaithe ó eagraíochtaí a dhéanann ionadaíocht ar leanaí nó ar dhaoine nach bhfuil níos sine ná 25 bliana d’aois, arna n-ainmniú ar chuireadh ón gCoimisiún. Ní mór leath de chomhaltaí an Choiste Chomhairligh don Aos Óg ar a laghad a bheith 25 bliana d’aois nó níos óige.

Tar éis eachtraí foréigneacha inné i mBaile Átha Cliath, bhí cruinnithe ag Coimisiún na Meán le hardáin inniu in éineacht leis an gCoimisiún Eorpach chun tuilleadh eolais a fháil faoin gcaoi ar fhreagair siad do na heachtraí a tharla ar líne agus as líne.

Tráthnóna inné, chuir Coimisiún na Meán in iúl do na hardáin ár n-imní faoin bhféidearthacht go ndéanfaí íomhánna grafacha agus físeáin a roinnt, agus go n-úsáidfí an eachtra mar chúis le foréigean agus fuath a ghríosú, tar éis scéala a fháil faoin eachtra sá. Chuir na hardáin in iúl dúinn go raibh a córais freagartha ar theagmhais curtha i bhfeidhm acu.

Gné na círéibeacha aréir ba ea úsáid teachtaireachtaí agus ardáin ar líne chun fuath a scaipeadh, chun foréigean agus coireacht a ghríosú, chomh maith le bréagaisnéis a scaipeadh. Iarrann Coimisiún na Meán ar gach ardán atá bunaithe in Éirinn teorainn a chur le scaipeadh an ábhair sin agus bearta a dhéanamh gan é a mhéadú. Spreagaimid iad freisin oibriú leis an nGarda Síochána chun daoine a aithint a úsáideann a n-ardáin chun fuath a scaipeadh agus coireacht a ghríosú. Molaimid d’eagraíochtaí ar bith a bhfuil fianaise acu ar an gcineál seo ábhair atá á scaipeadh ar líne aird an Gharda Síochána a thabhairt air.

Tá imní orainn i gcónaí faoi scaipeadh físeáin nó íomhánna a thaispeánann foréigean grafach, caint a spreagann fuath nó foréigean, agus scaipeadh na bréagaisnéis agus na mífhaisnéis. Tá sé beartaithe againn bualadh leis na hardáin arís sna laethanta amach romhainn chun nuashonruithe breise a fháil ar an gcaoi a bhfuil na hardáin ag freagairt do na himeachtaí seo.

Faoi Acht um Sheirbhísí Digiteacha an AE, tá oibleagáid ar Ardáin Mhóra Ar Líne sraith rioscaí a bhaineann le húsáid a gcuid seirbhísí a mheasúnú agus a mhaolú, lena n-áirítear éifeachtaí diúltacha ar shlándáil an phobail. Tá dualgas orthu freisin údaráis forfheidhmithe dlí a chur ar an eolas má thagann siad ar an eolas faoi chion coiriúil iarbhír nó féideartha a bhaineann le sábháilteacht an phobail.

Leagann Coimisiún na Meán béim chomh láidir agus is féidir gur cheart do sheirbhísí ar líne gníomhú go freagrach agus a ndícheall a dhéanamh chun cosc a chur ar a gcuid seirbhísí a úsáid chun an staid reatha a dhéanamh níos measa.

Cuirimid foláireamh freisin don phobal i gcoitinne a bheith san airdeall ar mhífhaisnéis agus ar bhréagaisnéis a scaiptear ar líne. Iarraimid orthu brath ar fhoinsí faisnéise creidiúnacha agus Stop, Smaoinigh agus Seiceáil agus iad ag léamh eolais agus go háirithe sula roinntear í.

CRÍOCH

Teagmháil leis na meáin: Joanne Ahern, DHR Communications, Teil: 087-9881837

Gach ceist eile: Coimisiún na Meán, 01-6441200.

Nóta d’Eagarthóirí:

Faoi Coimisiún na Meán:

Is é Coimisiún na Meán coimisiún nua na hÉireann chun craoltóirí, seirbhísí ar éileamh, agus na meáin ar líne a rialáil, agus chun tacú le forbairt na meán. Bunaithe i mí an Mhárta 2023 faoin Acht um Shábháilteacht ar Líne agus um Rialáil Meáin 2022, tógann sé ar obair a réamhtheachtaí, Údarás Craolacháin na hÉireann. Tá sé freagrach as tírdhreach meán rathúil agus éagsúil na hÉireann a chinntiú agus a chothabháil a éascaíonn meascán de ghuthanna, tuairimí agus foinsí nuachta agus cúrsaí reatha, chomh maith le timpeallacht shábháilte ar líne.

Is iad a fhreagrachtaí ná:

• Maoirseacht a dhéanamh ar mhaoiniú earnáil na meán níos leithne in Éirinn agus tacú lena forbairt.
• Maoirseacht a dhéanamh ar rialáil seirbhísí craolacháin agus físeáin ar éileamh.
• Córas rialála na hÉireann a fhorbairt agus a fhorfheidhmiú maidir le sábháilteacht ar líne.

Is féidir comhairle a fháil faoi mhífhaisnéis agus faoi bhréagaisnéis ag https://www.bemediasmart.ie/

Ar an gcéad dul síos, tá smaointe Choimisiún na Meán le híospartaigh na sáite uafásacha i mBaile Átha Cliath inné, lena dteaghlaigh agus lena bpobail.

Nuair a tháinig muid ar an eolas faoin eachtra, chuamar i dteagmháil láithreach le hardáin mhóra ar líne chun iad a chur ar an eolas faoin eachtra ionas go bhféadfaidís freagra a thabhairt. Go sonrach, chuireamar imní in iúl faoi:

• Íomhánna nó físeáin den eachtra á roinnt ar líne, as meas ar na híospartaigh agus chun cosc a chur ar leanaí agus ar dhaoine fásta radhairc glinne den fhoréigean a fheiceáil ar líne.
• Úsáid an eachtra seo chun foréigean in aghaidh daoine aonair nó grúpaí a spreagadh.

Faoi Acht um Sheirbhísí Digiteacha an AE, tá oibleagáid ar Ardáin Mhóra Ar Líne sraith rioscaí a bhaineann le húsáid a gcuid seirbhísí a mheasúnú agus a mhaolú, lena n-áirítear éifeachtaí diúltacha ar shlándáil an phobail. Tá dualgas orthu freisin údaráis forfheidhmithe dlí a chur ar an eolas má thagann siad ar an eolas faoi chion coiriúil iarbhír nó féideartha a bhaineann le sábháilteacht an phobail.

Tar éis ár dteagmhála d’fhreagair na hardáin mhóra tráthnóna inné agus tuigimid go bhfuil a bpleananna freagartha ar theagmhais curtha i ngníomh acu. Tá tuilleadh plé á dhéanamh againn leis na hardáin inniu chun eolas breise a bhailiú faoin mbealach ar fhreagair siad an eachtra seo agus conas a dhéileálfaidh siad le haon saincheisteanna a thiocfaidh chun cinn amach anseo.

Táimid i dteagmháil leis an nGarda Síochána freisin agus iad ag leanúint ar aghaidh ag freagairt d’eachtraí an lae inné.

Leag na heachtraí foréigneacha inné na rioscaí a bhaineann le bréagaisnéis agus mífhaisnéis don daonlathas nua-aimseartha. Ba mhaith linn go mbeadh a fhios ag daoine go mbíonn borradh ar bhréagaisnéis agus ar mhífhaisnéis aon uair a bhíonn eachtra ardphróifíle.

Ag teacht leis an bhfeachtais mhúscailte feasachta poiblí atá á reáchtáil againn i gcomhar le Media Literacy Ireland, molaimid do gach duine an chomhairle Stop, Smaoinigh agus Seiceáil go bhfuil an fhaisnéis atá á fáil acu, ó cibé foinse, cruinn agus iontaofa a leanúint.

CRÍOCH

Teagmháil leis na meáin: Joanne Ahern, DHR Communications, Teil: 087-9881837

Gach ceist eile: Coimisiún na Meán, 01-6441200.

Nóta d’Eagarthóirí:

Faoi Coimisiún na Meán:

Is é Coimisiún na Meán coimisiún nua na hÉireann chun craoltóirí, seirbhísí ar éileamh, agus na meáin ar líne a rialáil, agus chun tacú le forbairt na meán. Bunaithe i mí an Mhárta 2023 faoin Acht um Shábháilteacht ar Líne agus um Rialáil Meáin 2022, tógann sé ar obair a réamhtheachtaí, Údarás Craolacháin na hÉireann. Tá sé freagrach as tírdhreach meán rathúil agus éagsúil na hÉireann a chinntiú agus a chothabháil a éascaíonn meascán de ghuthanna, tuairimí agus foinsí nuachta agus cúrsaí reatha, chomh maith le timpeallacht shábháilte ar líne.

Is iad a fhreagrachtaí ná:

• Maoirseacht a dhéanamh ar mhaoiniú earnáil na meán níos leithne in Éirinn agus tacú lena forbairt.
• Maoirseacht a dhéanamh ar rialáil seirbhísí craolacháin agus físeáin ar éileamh.
• Córas rialála na hÉireann a fhorbairt agus a fhorfheidhmiú maidir le sábháilteacht ar líne.

Is féidir comhairle a fháil faoi mhífhaisnéis agus faoi bhréagaisnéis ag https://www.bemediasmart.ie/

Tá an tuairisc JNLR/Ipsos is déanaí de chuid MRBI maidir le lucht éisteachta raidió in Éirinn foilsithe inniu (09.11.23). 

Thar ceann Choiste JNLR tá preaseisiúint do na meáin agus táblaí faisnéise achoimrithe ar fáil le híoslódáil anseo (Béarla). 

CRÍOCH 

Tabhair faoi deara: 

Ba cheart fiosruithe do na meáin maidir le clár nó feidhmiú stáisiúin ar leith a chur chuig IPSOS MRBI nó chuig an gcraoltóir iomchuí.