Dréacht-Chód agus Dréacht-Rialacha nua le haghaidh seirbhísí Físe ar Éileamh foilsithe ag Coimisiún na Meán

Tar éis tréimhse chomhairliúcháin, déanfar rialáil den chéad uair riamh ar rialacha atá tugtha chun críche maidir le seirbhísí Físe-ar-Éileamh

***Spriocdháta Sínte – chomhaontaigh An Coimisiún ar spriocdháta nua. Is é Dé Máirt, 20 Lúnasa 2024 an spriocdháta nua le haghaidh aighneachtaí.***

D’fhoilsigh Coimisiún na Meán inniu (04.07.24) Dréacht-Chód nua Sheirbhís na Meán Closamhairc ar Éileamh (Fís-ar-éileamh) chomh maith le Dréacht-Rialacha nua.

Agus dlaoi mullaigh curtha orthu, déanfaidh Coimisiún na Meán an Cód agus na Rialacha a chur i bhfeidhm ar sholáthraithe seirbhíse na Físe-ar-éileamh a bhfuil Ceanncheathrú an AE acu in Éirinn.

Cuirtear tús sa Dréacht-Chód le dualgais a leagan ar sholáthraithe seirbhíse na Físe-ar-éileamh srian a chur le hábhar áirithe ina gcuid catalóg, mar shampla:

• Ba cheart srian a chur le hábhar dá gceapfaí go réasúnta go raibh an t-ábhar sin mar spreagadh poiblí chun cion sceimhlitheoireachta a dhéanamh.
• Ba cheart srian a chur le hábhar dá gceapfaí go réasúnta go raibh an chuma ar an scéal go spreagfadh an t-ábhar sin foréigean nó fuath ina leith seo: grúpa, nó ball de ghrúpa bunaithe ar thréithe cosúil le gnéas, dath, míchumas, claonadh gnéasach nó ballraíocht de mhionlach náisiúnta.

Beidh sé de dhualgas ar sholáthraithe leis gníomhú chun leanaí a chosaint ar ábhar a d’fhéadfadh cur isteach ar a bhforbairt fhisiciúil, intinne nó mhorálta, mar shampla:

• Rabhadh a chur ar an scáileán ag tosach clár maidir le hábhar a d’fhéadfadh dochar a dhéanamh do leanaí.
• Na bearta cuí a dhéanamh chun deimhin a dhéanamh de nach dtaispeánfar do leanaí ábhar ina bhfuil pornagrafaíocht nó ina dtéitear thar fóir leis an bhforéigean.
• Soláthar a dhéanamh do rialúcháin tuismitheoirí agus do dhearbhú aoise chun leanaí a chosaint ar ábhar dochrach a fheiceáil

Cuirtear tús sna Dréacht-Rialacha le dualgais a leagan ar sholáthraithe seirbhíse na Físe-ar-éileamh chun go mbeidh teacht de réir a chéile acu siúd atá faoi mhíchumas ar a gcuid clár.

Dúirt Rónán Ó Domhnaill, An Coimisinéir ar Fhorbairt na Meán le Coimisiún na Méan: “Agus iad tugtha chun críche, den chéad uair riamh beifear in ann rialáil reachtúil a dhéanamh ar sholáthraithe seirbhíse na Físe ar éileamh atá lonnaithe in Éirinn. Beidh an Cód mar chúnamh leis na hiarrachtaí a chinnteoidh gur féidir le daoine ar fud fad na hÉireann féachaint ar chláir ar éileamh atá siamsúil, faisnéiseach agus tarraingteach, agus a chinnteoidh freisin nach mbeidh teacht ag leanaí ar chláir nach bhfuil oiriúnach dóibh. Cinnteofar leis an Rialacha go bhfuilimid ar ár ndícheall chun go mbeidh teacht ag daoine faoi mhíchumas ar chláir agus cuirfear ceangal ar gach soláthraí seirbhíse físe ar éileamh atá lonnaithe in Éirinn Plean Gníomhaíochta Rochtana a chur ar bun.”

“Céim mhór chun cinn is ea an Cód agus na Rialacha chun an Treoir um Sheirbhísí na Meán Closamhairc a chur i bhfeidhm in Éirinn.”

Tá Dréacht-Chód nua Sheirbhís na Meán Closamhairc ar Éileamh (Fís-ar-éileamh) chomh maith le Dréacht-Rialacha nua oscailte i láthair na huaire le haghaidh comhairliúchán poiblí. An dáta deiridh le haghaidh aighneachtaí is ea Dé Máirt, 6 Lúnasa 2024.

CRÍOCH