Ráiteas ó Choimisiún na Meán maidir leis an gCód Sábháilteachta ar Líne 

Mar rialálaí na hÉireann don tsábháilteacht ar líne, d’fhorbair Coimisiún na Meán rialacha agus rialacháin laistigh den Chód Sábháilteachta Ar Líne, atá fréamhaithe i reachtaíocht na hÉireann agus an Aontais Eorpaigh, tar éis dianchomhairliúcháin. 

Faoin gCód Sábháilteachta Ar Líne, tá sé d’oibleagáid ar ardáin comhroinnte físeán bearta a chur i bhfeidhm chun leanaí a chosaint ó ábhar díobhálach ar líne, bearta dearbhaithe aoise a bheith acu i gcás inarb iomchuí, rialúcháin tuismitheoirí a sholáthar agus tuairisciú agus sásraí comharthaíochta atá so-úsáidte agus trédhearcach a bheith acu. 

Is eol do Choimisiún na Meán go bhfuil athbhreithniú breithiúnach taiscthe ag Twitter International Unlimited Company (X) in aghaidh an Chóid Sábháilteachta Ar Líne. 

Beimid rannpháirteach sa phróiseas dlíthíochta seo agus cosnóimid an Cód Sábháilteachta Ar Líne agus cuspóir an chóid maidir le daoine, go háirithe leanaí, a choinneáil sábháilte ar líne. 

Ní thabharfaidh An Coimisiún aon tuairim eile go dtí go mbeidh na himeachtaí dlí tugtha chun críche.