Comhlachtaí ainmnithe
Mar a cheanglaítear leis an Acht um Rialáil Sábháilteachta ar Líne agus na Meán (OSMR), 2022, tá sé beartaithe againn scéim a thabhairt isteach faoina n-ainmneoimid eagraíochtaí chun fógra a thabhairt dúinn faoi chúrsaí a bhaineann lenár bhfeidhmeanna sábháilteachta ar líne faoin OSMR.
Áirítear ar na hábhair sin:
- Ábhair imní a eascraíonn as an gcaoi a n-airbheartaíonn seirbhís ardáin comhroinnte físeán na cóid sábháilteachta ar líne a bhfuil feidhm acu maidir léi a chomhlíonadh;
- Ábhair imní a bhaineann le hábhar díobhálach ar líne a bheith ar fáil ar sheirbhís ardáin comhroinnte físeán ainmnithe;
- Ábhair imní a bhaineann le hábhar ar líne atá míchuí ó thaobh aoise de a bheith ar fáil ar sheirbhís ardáin comhroinnte físeán ainmnithe;
- Bearta a dhéanann seirbhís ardáin comhroinnte físeán ainmnithe i gcomhréir airbheartaithe le cód sábháilteachta ar líne a mheasann an comhlacht ainmnithe a bheith iomarcach ag féachaint do shaoirse na n-úsáideoirí chun tuairimí a nochtadh nó do chearta eile, nó ar aon chúis eile.
Cuirfear tús leis an obair chun an scéim seo a fhorbairt in 2025, lena n-áirítear forbairt a dhéanamh ar an nós imeachta chun iarratas a dhéanamh, ar an bpróiseas ainmniúcháin agus ar na critéir ainmniúcháin. Cuirfimid tuilleadh sonraí ar fáil in am trátha.