Foghlaim & forbairt
Is cuid de shainchúram Choimisiún na Meán é foghlaim agus forbairt a chur chun cinn, a spreagadh agus tacú leo in earnáil fuaime agus chlosamhairc na hÉireann. Táimid tiomanta d’oibriú go leanúnach i gcomhpháirtíocht le craoltóirí agus le líonraí tionscail chun aghaidh a thabhairt ar riachtanais forbartha ar leith a fheabhsóidh acmhainn san earnáil.
Ní chuirimid gníomhaíochtaí oiliúna agus forbartha ar fáil dúinn féin mar rialtóir. Ina ionad sin oibrímid le líonraí tionscail agus le heagraíochtaí ionadaíocha chun tionscnaimh oiriúnacha a chur ar fáil dá mbaill. Cuidíonn an cur chuige seo leis an tionscal fanacht inbhuanaithe, tacaíonn sé le cruthaitheacht agus nuálaíocht, agus oibríonn sé i dtreo tírdhreach meán rathúil agus éagsúil a chinntiú a léiríonn sochaí na hÉireann.
Clár Maoinithe d‘Fhoghlaim agus d’Fhorbairt Earnála
Cuireann an Beartas um Fhoghlaim agus Forbairt Earnála an creat ar fáil chun cur ar ár gcumas fás leanúnach na hearnála craoltóireachta a phleanáil, tacú leis, a thomhas agus a mheas go straitéiseach, trí ghníomhaíochtaí éagsúla oiliúna, foghlama agus forbartha. Ar aon dul leis an mBeartas, reáchtálaimid clár maoinithe gach bliain. Bímid i dteagmháil le páirtithe leasmhara maidir lena riachtanais forbartha agus cuirimid maoiniú ar fáil d’iarratasóirí rathúla chun tionscnaimh, oiliúint agus/nó gníomhaíochtaí meantóireachta a chur ar fáil.
Leithdháileadh maoiniúcháin
In 2024, leithdháileadh €550k faoin gclár Foghlama agus Forbartha Earnála. Leithdháileadh an maoiniú ar ghrúpaí lena n-áirítear: líonraí a dhéanann ionadaíocht ar na meáin tráchtála agus phobail; grúpaí a bhaineann le tionscail shonracha a dhéanann ionadaíocht ar léiritheoirí, beochantóirí agus iriseoirí; eagraíochtaí abhcóideachta; agus grúpaí a chuireann an Ghaeilge chun cinn. Mar shampla, i gceann de na cláir a dtacaímid leo, tugtar intéirneacht i stáisiún raidió tráchtála áitiúil do dheichniúr céimithe as gach cearn d’Éirinn, agus cuireann clár eile oiliúint agus tacaíocht ar fáil do dhaoine óga ó chúlraí tearcionadaithe, mionlaigh eitnigh agus ísealioncaim.
Seo thíos na faighteoirí rathúla maoinithe do 2024
- Community Television Association (CTA)
- CRAOL
- Learning Waves Screen Producers Ireland (SPI)
- Creative Europe Dublin
- Women On Air
- NUJ
- Creative Europe Galway
- Cultural & Creative Industries Skillnet / Animation Ireland
- Women in Film & Television (WFT)
- Writers Guild of Ireland
- IFTA
- Galway Film Centre (Ardán)
- Screen Composers Guild of Ireland
- ACE Producers
- Oireachtas na Gaeilge
- X-Pollinator
- Gorm Media
- Film Ireland
- Celtic Media Festival
- LW Journalism Graduate Programme
Treoirlínte
Tuilleadh eolais
Tá iarratais ar mhaoiniú le haghaidh 2025 dúnta anois.
Chun tuilleadh eolais a fháil faoi dheiseanna maoinithe d’Fhorbairt Earnála agus faoi incháilitheacht, seol ríomhphost chugainn ag [email protected].